టాలీవుడ్ సీనియర్ నటి ప్రగతి పవర్ లిఫ్టింగ్లో సత్తా చాటింది! ఇటీవల జరిగిన ఏషియన్ ఛాంపియన్షిప్లో నాలుగు పతకాలు సాధించి అందరినీ ఆశ్చర్యపరిచింది. ఎమ్మెల్సీ నాగబాబు కూడా ఆమెను అభినందిస్తూ, చీరకట్టులో పవర్ లిఫ్టింగ్ చేయడం చూసి మొదట సరదా అనుకున్నానని, కానీ ఆమె నిబద్ధత చూసి స్ఫూర్తి పొందానని తెలిపారు. ట్రోలింగ్పై స్పందిస్తూ, తన విజయాలతోనే సమాధానం చెప్పానని ప్రగతి పేర్కొంది
టాలీవుడ్ సీనియర్ నటి ప్రగతి సినిమాల్లో మాత్రమే కాదు.. పవర్ లిఫ్టింగ్లో కూడా అదరగొడుతున్నారు. ఇటీవల జరిగిన ఏషియన్ ఓపెన్ అండ్ మాస్టర్స్ పవర్ లిఫ్టింగ్ ఛాంపియన్షిప్లో నాలుగు పతకాలు సాధించారు. ఓవరాల్గా సిల్వర్ మెడల్, డెడ్ లిఫ్ట్నకు గోల్డ్ మెడల్, బెంచ్, స్క్వాట్ లిఫ్టింగ్లో మరో రెండు సిల్వర్ మెడల్స్ వచ్చాయి. ప్రగతిపై టాలీవుడ్ ప్రముఖులు ప్రశంసలు కురిపించారు. ప్రగతి పవర్ లిఫ్టింగ్లో పతకాలు సాధించడంపై ఎమ్మెల్సీ నాగబాబు కూడా స్పందించారు.. ఆమెను అభినందించారు. ప్రగతి పవర్ లిఫ్టింగ్ చేస్తుంటే సరదాగా అనుకున్నానని.. కానీ ఇలా స్పోర్ట్స్లో కూడా రాణిస్తూ పతకాలు గెలుచుకోవడం ఆనందంగా ఉందన్నారు.
