దసరా పండుగ రద్దీని దృష్టిలో ఉంచుకుని రైల్వేశాఖ విశాఖపట్నం–పార్వతీపురం మధ్య ప్రత్యేక మెము రైలును ప్రకటించింది. అక్టోబర్ 10 నుంచి 20వ తేదీ వరకు ఈ రైలు అందుబాటులో ఉండనుంది.
దసరా పండుగ వేళ సొంతూళ్లకు వెళ్లే ప్రయాణికులకు రైల్వేశాఖ శుభవార్త చెప్పింది. ఉత్తరాంధ్ర ప్రయాణికుల సౌకర్యార్థం విశాఖపట్నం నుంచి పార్వతీపురానికి ప్రత్యేక మెము రైలును నడపనున్నట్లు ప్రకటించింది. అక్టోబర్ 10 నుంచి 20వ తేదీ వరకు ఈ రైలు సేవలు అందుబాటులో ఉంటాయి.
ప్రత్యేక రైలు వేళలు ఇవే
విశాఖపట్నం–పార్వతీపురం ప్రత్యేక మెము రైలు (07268) ఉదయం 10 గంటలకు విశాఖపట్నంలో బయలుదేరి మధ్యాహ్నం 12.35 గంటలకు పార్వతీపురం చేరుకుంటుంది.
తిరుగు ప్రయాణంలో పార్వతీపురం–విశాఖపట్నం రైలు (07267) మధ్యాహ్నం 12.26 గంటలకు బయలుదేరి సాయంత్రం 4 గంటలకు విశాఖపట్నం చేరుకుంటుంది.
ఈ స్టేషన్లలో ఆగుతుంది
ఈ ప్రత్యేక రైలు విశాఖపట్నం, సింహాచలం, కొత్తవలస, విజయనగరం, గజపతినగరం, కోమటిపల్లి, డొంకినవలస, బొబ్బిలి, సీతానగరం, నర్సీపురం స్టేషన్లలో ఆగనుంది.
దసరా సెలవుల నేపథ్యంలో ప్రయాణికుల రద్దీ పెరుగుతుండటంతో ఈ రైలు ఉత్తరాంధ్ర ప్రజలకు ఉపయోగపడనుంది. హైదరాబాద్ నుంచి శ్రీకాకుళం రోడ్‌కు కూడా ప్రత్యేక రైళ్లు నడుపుతున్న నేపథ్యంలో ప్రయాణికులు రైల్వే సౌకర్యాలను వినియోగించుకోవాలని అధికారులు సూచిస్తున్నారు.