ఐపీఎల్లో ఈ రోజు చెపాక్ స్టేడియంలో కీలక పోరు జరగనుంది. బ్రేక్ కోసం చూస్తున్న చెన్నై సూపర్ కింగ్స్కి ఇది చక్కటి అవకాశం. సీఎస్కే – పంజాబ్ కింగ్స్ మధ్య చెపాక్ స్టేడియం వేదికగా మ్యాచ్ జరగనుంది. ఈ మ్యాచ్ రాత్రి 7:30 గంటలకు ప్రారంభం కానుంది. మ్యాచ్ లైవ్ను స్టార్ స్పోర్ట్స్, జియో హాట్ స్టార్ వేదికగా వీక్షించొచ్చు. పంజాబ్ తన తొలి మ్యాచ్లో విజయం సాధించగా, సీఎస్కే రాజస్థాన్పై దారుణంగా ఓడిపోయింది.
ఐపీఎల్ 2026లో భాగంగా ఏప్రిల్ 3న చెన్నై సూపర్ కింగ్స్ – పంజాబ్ కింగ్స్ మ్యాచ్ జరగనుంది. చెపాక్ స్టేడియం వేదికగా జరిగే ఈ మ్యాచ్ రాత్రి 7:30 గంటలకు ప్రారంభం కానుంది. మ్యాచ్ లైవ్ను స్టార్ స్పోర్ట్స్, జియో హాట్ స్టార్ వేదికగా వీక్షించొచ్చు.
ఈ సీజన్ ఆరంభ మ్యాచ్లో రాజస్థాన్ మీద ఓడిపోయిన చెన్నై సూపర్ కింగ్స్ బ్రేక్ కోసం ఎదురుచూస్తోంది. హోం గ్రౌండ్లో పంజాబ్పై జరిగే మ్యాచ్లో విజయం సాధించి సీజన్లో తొలి విజయాన్ని నమోదు చేయాలని సీఎస్కే చూస్తోంది. కానీ, గత కొన్నేళ్లుగా ఇరు జట్ల మధ్య ప్రదర్శనలలో పంజాబ్దే పైచేయిగా ఉంది.
కాలి కండరాల గాయంతో సీజన్ ఆరంభ మ్యాచ్లకు దూరమైన ధోనీ.. సడెన్గా నెట్స్లో మెరిసి అందర్నీ ఆశ్చర్యపరిచాడు. చెపాక్లో మ్యాచ్ కావడంతో ధోనీ కోసం అభిమానులు వచ్చే అవకాశం ఉంది. దాంతో మ్యాచ్ ఆడకపోయినా డగౌట్లో ధోనీ కనిపించనున్నాడు. అయితే, ఈ మ్యాచ్కి డేంజరస్ బ్యాటర్ డివాల్డ్ బ్రెవిస్ ఎంట్రీ ఇవ్వడం ఖాయమని తెలుస్తోంది.
