నిరుద్యోగులకు హైడ్రా భారీ శుభవార్త అందించింది. కాంట్రాక్ట్ ప్రాతిపదికన 150 ఉద్యోగాల భర్తీకి నోటిఫికేషన్ విడుదల చేసింది. ఇందులో 100 డీఆర్ఎస్ అసిస్టెంట్, 50 హెవీ వెహికల్ డ్రైవర్ పోస్టులు ఉన్నాయి. పదో తరగతి అర్హత కలిగిన వారికి గరిష్ఠంగా 35 ఏళ్ల వయస్సు ఉన్న అభ్యర్థులు ఈ ఉద్యోగాలకు అర్హులని పేర్కొంది. ఎలాంటి రాత పరీక్ష లేకుండా కేవలం ఫిజికల్ టెస్ట్ల ఆధారంగానే ఈ హైడ్రా ఉద్యోగాల ఎంపిక ప్రక్రియ చేపడుతున్నారు.
హైదరాబాద్ నగరంలో ఆస్తుల పరిరక్షణ, విపత్తు నిర్వహణ ధ్యేయంగా పనిచేస్తున్న హైదరాబాద్ డిజాస్టర్ రెస్పాన్స్ అండ్ అసెట్ ప్రొటెక్షన్ ఏజెన్సీ (హైడ్రా) నిరుద్యోగ యువతకు బంపర్ ఆఫర్ ప్రకటించింది. డిజాస్టర్ రెస్పాన్స్ ఫోర్స్ (డీఆర్ఎఫ్) విభాగంలో కాంట్రాక్ట్ ప్రాతిపదికన పనిచేయడానికి మొత్తం 150 ఖాళీల భర్తీకి అధికారిక నోటిఫికేషన్ విడుదల చేసింది. శారీరక దారుఢ్యం, క్రీడా ప్రావీణ్యం ఉన్న అభ్యర్థులకు ఇది ఒక అత్యుత్తమ అవకాశంగా నిలవనుందని హైడ్రా వర్గాలు వెల్లడించాయి. ఈ నోటిఫికేషన్ ద్వారా భర్తీ చేయనున్న మొత్తం 150 పోస్టుల్లో 100 డీఆర్ఎఫ్ అసిస్టెంట్ పోస్టులు, 50 హెవీ వెహికల్ డ్రైవర్ పోస్టులు ఉన్నాయి.
పదో తరగతి ఉత్తీర్ణత సాధించిన వారు ఈ ఉద్యోగాలకు దరఖాస్తు చేసుకోవడానికి అర్హులు అని పేర్కొన్నారు. అభ్యర్థుల వయస్సు గరిష్ఠంగా 35 ఏళ్లు మించకూడదని రూల్ పెట్టారు. డ్రైవర్ పోస్టులకు పోటీపడే అభ్యర్థులు విధిగా ఒరిజినల్ హెవీ వెహికల్ డ్రైవింగ్ లైసెన్స్ కలిగి ఉండాలని హైడ్రా అధికారులు స్పష్టం చేశారు. ఈ హైడ్రా ఉద్యోగాల భర్తీకి ఎలాంటి రాత పరీక్ష ఉండదని తెలిపారు. అభ్యర్థుల ఎంపిక ప్రక్రియను పూర్తిగా ఫిజికల్ ఈవెంట్స్ ఆధారంగానే చేపట్టనున్నట్లు పేర్కొన్నారు.
