NEET PG 2026 పరీక్షకు హాజరయ్యే అభ్యర్థులకు కీలక అప్డేట్. నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ (NBEMS) ఎగ్జామ్ సిటీ ఇంటిమేషన్ స్లిప్ను విడుదల చేసింది. అభ్యర్థులు అధికారిక వెబ్సైట్లో లాగిన్ అయి తమకు కేటాయించిన పరీక్షా నగర వివరాలను తెలుసుకోవచ్చు. సిటీ స్లిప్ ఎలా డౌన్లోడ్ చేసుకోవాలి? అడ్మిట్ కార్డు ఎప్పుడు విడుదలవుతుంది? వంటి పూర్తి వివరాలు ఈ కింద తెలుసుకోవచ్చు..
NEET PG 2026 పరీక్షకు హాజరుకానున్న అభ్యర్థులకు కీలక అప్డేట్. నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ (NBEMS) ఎగ్జామ్ సిటీ ఇంటిమేషన్ స్లిప్ను విడుదల చేసింది. అభ్యర్థులు తమకు కేటాయించిన పరీక్ష నగర వివరాలను అధికారిక వెబ్సైట్ ద్వారా తెలుసుకోవచ్చు. NEET PG 2026 పరీక్షను ఆగస్టు 30, 2026న దేశవ్యాప్తంగా వివిధ పరీక్షా కేంద్రాల్లో కంప్యూటర్ ఆధారిత విధానంలో నిర్వహించనున్నట్లు NBEMS ఇప్పటికే ప్రకటించింది.
సిటీ ఇంటిమేషన్ స్లిప్లో ఏముంటుంది?
ఎగ్జామ్ సిటీ ఇంటిమేషన్ స్లిప్లో అభ్యర్థి పేరు, అప్లికేషన్ నంబర్, కేటాయించిన పరీక్ష నగరం తదితర వివరాలు ఉంటాయి. ఈ వివరాల ఆధారంగా అభ్యర్థులు పరీక్షకు వెళ్లేందుకు ముందుగానే ప్రయాణం, వసతి ఏర్పాట్లు చేసుకోవచ్చు. ముఖ్యంగా గుర్తుంచుకోవాల్సిన విషయం.. ఎగ్జామ్ సిటీ ఇంటిమేషన్ స్లిప్ను అడ్మిట్ కార్డుగా పరిగణించకూడదు. అసలు NEET PG అడ్మిట్ కార్డును NBEMS తరువాత ప్రత్యేకంగా విడుదల చేస్తుంది. అభ్యర్థులు అడ్మిట్ కార్డు విడుదలకు సంబంధించిన అధికారిక ప్రకటనలను కూడా గమనించాలి.
NEET PG 2026 సిటీ స్లిప్ ఎలా డౌన్లోడ్ చేసుకోవాలి?
- ముందుగా NBEMS అధికారిక వెబ్సైట్ను ఓపెన్ చేయాలి.
- NEET PG 2026కు సంబంధించిన Exam City Intimation Slip లింక్పై క్లిక్ చేయాలి.
- అవసరమైన లాగిన్ వివరాలను నమోదు చేయాలి.
- స్క్రీన్పై కనిపించే ఎగ్జామ్ సిటీ ఇంటిమేషన్ స్లిప్ను పరిశీలించాలి.
- స్లిప్ను డౌన్లోడ్ చేసుకుని భవిష్యత్ అవసరాల కోసం ప్రింట్ లేదా డిజిటల్ కాపీని భద్రపరచుకోవాలి.
ఎగ్జామ్ సిటీ వివరాలు వచ్చిన వెంటనే అభ్యర్థులు తమ పరీక్షా నగరాన్ని చెక్ చేసుకోవాలి. ఇతర నగరానికి పరీక్ష కేంద్రం కేటాయించినట్లయితే ప్రయాణ టికెట్లు, వసతి తదితర ఏర్పాట్లను ముందుగానే చేసుకోవడం మంచిది. అలాగే అడ్మిట్ కార్డు విడుదల తేదీ, పరీక్షా కేంద్రం పూర్తి చిరునామా, పరీక్ష సమయం వంటి వివరాల కోసం NBEMS అధికారిక వెబ్సైట్ను క్రమం తప్పకుండా పరిశీలించాలి.
