ప్రేమకు సరిహద్దులు లేవని నిరూపిస్తూ స్కాటిష్ పార్లమెంట్ సభ్యుడు మార్టిన్ డే, కేరళకు చెందిన నిధిన్ చంద్ను వివాహం చేసుకున్నారు. త్రిస్సూర్లోని ప్రసిద్ధ గురువాయూర్ శ్రీకృష్ణ ఆలయంలో మంగళవారం ఉదయం కేరళ సంప్రదాయాల ప్రకారం వీరి వివాహ వేడుక ఘనంగా జరిగింది.
ఇప్పటికే తొమ్మిదేళ్ల క్రితమే బ్రిటన్లో వీరి వివాహ రిజిస్ట్రేషన్ పూర్తయింది. అయితే గురువాయూర్ సన్నిధిలో సంప్రదాయబద్ధంగా తాళి కట్టించుకోవాలన్న నిధిన్ చంద్ పదేళ్ల కలను నెరవేర్చేందుకు మార్టిన్ డే మరోసారి వివాహ వేడుకను నిర్వహించారు.
కేరళ సంప్రదాయ దుస్తుల్లో జరిగిన ఈ ప్రత్యేక వివాహ వేడుకకు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్గా మారాయి. ప్రేమకు దేశాలు, సరిహద్దులు అడ్డంకులు కావని చాటిచెప్పిన ఈ వివాహం నెటిజన్లను విశేషంగా ఆకట్టుకుంటోంది.
ప్రేమకు కులం, మతం, ప్రాంతం, దేశం వంటి ఎలాంటి సరిహద్దులు అడ్డుకావని మరోసారి నిరూపించేలా ఓ ప్రత్యేక వివాహం జరిగింది. ఇప్పటికే పలువురు భారతీయులు విదేశీయులను ప్రేమించి పెళ్లి చేసుకుని సంతోషంగా జీవితాన్ని కొనసాగిస్తున్నారు. అదే కోవలో స్కాటిష్ పార్లమెంట్ సభ్యుడు, యునైటెడ్ కింగ్డమ్ మాజీ ఎంపీ మార్టిన్ డే.. తన ప్రేమించిన కేరళకు చెందిన నిధిన్ చంద్ను హిందూ సంప్రదాయ పద్ధతిలో వివాహం చేసుకున్నారు.
యూకేలో పరిచయమైన నిధిన్ చంద్తో ప్రేమలో పడిన మార్టిన్ డే.. ఆమెతో కలిసి జీవితాన్ని పంచుకోవాలని నిర్ణయించుకున్నారు. ఈ క్రమంలో కేరళలోని ప్రసిద్ధ గురువాయూర్ శ్రీకృష్ణ ఆలయంలో కుటుంబ సభ్యులు, అత్యంత సన్నిహిత బంధుమిత్రుల సమక్షంలో సంప్రదాయబద్ధంగా వివాహ వేడుక నిర్వహించారు.
కేరళ సంప్రదాయ పద్ధతుల్లో జరిగిన ఈ వివాహ వేడుకకు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్గా మారాయి. దేశాలు, సంస్కృతులు వేరైనా ప్రేమ ఒక్కటే అనే సందేశాన్ని చాటిచెప్పిన ఈ జంట వివాహం నెటిజన్లను విశేషంగా ఆకట్టుకుంటోంది.
