డుకాటి మరో కొత్త బైక్ను లాంచ్ చేసింది. డుకాటి మాన్స్టర్ V2, మాన్స్టర్+ పేర్లతో వీటిని మార్కెట్లోకి తీసుకొచ్చింది. వీటి ధర రూ. 13.99 లక్షల నుండి రూ. 14.45 లక్షల మధ్య ఉన్నాయి. మునుపటి మోడళ్ల కంటే ఇవి మరింత మెరుగ్గా ఉంటాయి.
డుకాటి మరో కొత్త మోడల్ బైక్ను మార్కెట్లోకి విడుదల చేసింది. డుకాటి మాన్స్టర్ V2, మాన్స్టర్+ లను తాజాగా లాంచ్ చేసింది. మునుపటి మోడల్ బైక్లో కొన్ని మార్పులు చేసి ఈ కొత్త బైక్ అభివృద్ది చేశారు. ఇంజన్, తేలికైన ఛాసిస్, మరింత ఆకర్షణీయమైన డిజైన్ను అందిస్తుంది. ఈ రెండూ ఒకే మెకానికల్ ఫౌండేషన్తో తీర్చిదిద్దినప్పటికీ.. వాటి మధ్య వ్యత్యాసం స్టైలింగ్లోనే ఉంది. మాన్స్టర్+లో హెడ్లైట్ కౌల్, ప్యాసింజర్ సీట్ కవర్ వంటి మార్పులు ఉన్నాయి. వీటిల్లో ఎలాంటి ఫీచర్లు ఉన్నాయి..? ధర ఎంత..? అనే వివరాలు ఇప్పుడు చూద్దాం.
డుకాటి మాన్స్టర్ V2 ఫీచర్లు ఇవే..
ఈ మోడల్ బైక్ సరికొత్త 890cc V-ట్విన్ ఇంజిన్ కలిగి ఉంది. మల్టీస్ట్రాడా V2, పానిగాలే V2, స్ట్రీట్ఫైటర్ V2లలో కూడా దీనిని ఉపయోగిస్తున్నారు. మునుపటి 937cc యూనిట్ నుండి ఇంజిన్ పరిమాణం తగ్గించినప్పటికీ.. పనితీరులో ఎటువంటి రాజీ పడలేదని కంపెనీ చెబుతోంది. ఈ మోటార్ 9,000 rpm వద్ద 111 Hp, 7,250 rpm వద్ద 91.1 Nm టార్క్ను అందిస్తుంది. 80 శాతం టార్క్ 4,000 నుండి 9,000rpm మధ్య అందుబాటులో ఉంటుంది.
డుకాటి మాన్స్టర్ V2: కొత్త మోనోకోక్ ఛాసిస్
డుకాటి కొత్త అల్యూమినియం మోనోకోక్ ఛాసిస్ను ఉపయోగించడం ద్వారా మాన్స్టర్ V2 బరువును 5 కిలోలు తగ్గించింది. దీనివల్ల బైక్ తక్షణమే మరింత చురుగ్గా, వేగంగా స్పందిస్తుంది. దృఢమైన ఫ్యూయల్ ట్యాంక్ మాన్స్టర్ ఐకానిక్ రూపాన్ని ప్రతిబింబిస్తూనే ఉంది. స్టాండర్డ్ సీటు ఎత్తు ఇప్పుడు 815 మిమీగా ఉండగా.. ఐచ్ఛిక యాక్సెసరీ సీట్లతో దీనిని 795 మిమీ లేదా 775 మిమీ వరకు తగ్గించవచ్చు. సస్పెన్షన్ విధులను ముందువైపు షోవా 43 మిమీ USD ఫోర్క్.. వెనుకవైపు మోనోషాక్ నిర్వహిస్తాయి.
ధర ఎంతంటే..?
డుకాటి రెడ్, ఐస్బర్గ్ వైట్, స్పోర్ట్ లివరీ అనే మూడు ఆకర్షణీయమైన రంగుల్లో ఈ బైక్లను ప్రవేశపెట్టారు. వేరియంట్, షేడ్ను బట్టి వీటి ధరలు మారుతూ ఉంటాయి. వీటి ధరలు రూ. 13.99 లక్షల నుండి రూ. 14.45 లక్షల మధ్య ఉంటాయి. ఈ డ్యూయల్ వేరియంట్ వ్యూహం వల్ల రైడర్లు అదే పనితీరును పొందుతారు. కానీ వారి వ్యక్తిత్వాన్ని ఉత్తమంగా ప్రతిబింబించే డిజైన్ను ఎంచుకునే స్వేచ్ఛ కూడా ఉంటుంది.
