తిరుమల శ్రీవారి భక్తులకు 2026 క్యాలెండర్లు, డైరీలు అందుబాటులోకి వచ్చాయి. టీటీడీ వివిధ రకాల క్యాలెండర్లు, డైరీలను ఆకర్షణీయంగా ముద్రించి, పలు ధరల్లో అందిస్తోంది. తిరుమల, తిరుపతితో పాటు ఇతర నగరాల్లోని టీటీడీ స్టాల్స్లో, ఆన్లైన్లోనూ వీటిని కొనుగోలు చేయవచ్చు. భక్తుల సౌకర్యార్థం ఈ ఏర్పాట్లు చేశారు. అంతేకాదు డీడీ తీసి కూడా క్యాలెండర్లు, డైరీలు కొనుక్కోవచ్చు.. వివరాలు ఇలా ఉన్నాయి
తిరుమల శ్రీవారి భక్తుల నుంచి టీటీడీ డైరీలు, క్యాలెండర్లకు విశేష స్పందన వస్తోంది. ‘శ్రీవారి భక్తుల సౌకర్యార్థం 2026 సంవత్సరం 12 పేజీల క్యాలెండర్లు – 13 లక్షలు, 6 పేజీల క్యాలెండర్లు – 75 వేలు, పెద్ద డైరీలు – 8.50 లక్షలు, చిన్నడైరీలు – 3 లక్షలు, టేబుల్ టాప్ క్యాలెండర్లు 1.50 లక్షలు, శ్రీవారి పెద్ద క్యాలెండర్లు – 2.50 లక్షలు, శ్రీ పద్మావతి అమ్మవారి పెద్ద క్యాలెండర్లు – 10 వేలు, శ్రీవారు, శ్రీపద్మావతి అమ్మవారి క్యాలెండర్లు – 3 లక్షలు, టీటీడీ స్థానిక ఆలయాల క్యాలెండర్లు – 10 వేలు అత్యంత ఆకర్షణీయంగా ముద్రించి అందుబాటులో ఉంచారు’ అని ఒక ప్రకటనలో తెలిపారు.
