క్యూర్‌ పరిధిలోని ఇందిరమ్మ టవర్స్‌ ఫ్లాట్ల కోసం నిర్వహించిన లక్కీడ్రాలో ఎంపికైన పలువురు లబ్ధిదారులకు ఇప్పటికీ ప్రొవిజనల్‌ ఎలాట్‌మెంట్‌ పత్రాలు అందకపోవడంతో ఆందోళన వ్యక్తమవుతోంది. తొలిదశలో ఈ నెల 9లోపు రూ.లక్ష చెల్లించాల్సి ఉండగా, కొందరికి వారి దరఖాస్తులు తిరస్కరించబడినట్లు ఫోన్‌ సందేశాలు రావడం మరింత గందరగోళానికి దారితీసింది.
ఇందిరమ్మ టవర్స్‌ ఫ్లాట్ల కోసం నిర్వహించిన లక్కీడ్రాలో మొత్తం 7,680 మంది లబ్ధిదారులను ఎంపిక చేశారు. అయితే ఇప్పటివరకు 5,501 మందికి మాత్రమే ప్రొవిజనల్‌ ఎలాట్‌మెంట్‌ పత్రాలు జారీ చేసినట్లు అధికారులు వెల్లడించారు. మిగిలిన వారికి పత్రాలు అందకపోవడంతో వారు ఆందోళన చెందుతున్నారు.
నియోజకవర్గాన్ని ఒక యూనిట్‌గా పరిగణించడంతో కొన్ని సమస్యలు తలెత్తినట్లు హౌసింగ్‌ బోర్డు తెలిపింది. ఈ సమస్యలను సరిదిద్దేందుకు వెబ్‌సైట్‌లో మార్పులు చేసుకునే అవకాశం కల్పించినట్లు పేర్కొంది. లబ్ధిదారులు వెబ్‌సైట్‌లో వివరాలను పరిశీలించి, అవసరమైన మార్పులు చేసుకోవాలని అధికారులు సూచించారు.
హైదరాబాద్‌ క్యూర్‌ పరిధిలోని ఇందిరమ్మ టవర్స్‌ ఫ్లాట్ల కోసం నిర్వహించిన లక్కీడ్రాలో ఎంపికైన పలువురు లబ్ధిదారులు ప్రొవిజనల్‌ ఎలాట్‌మెంట్‌ పత్రాలు అందక ఆందోళనకు గురవుతున్నారు. తొలి విడతగా ఈ నెల 9లోపు రూ.లక్ష చెల్లించాల్సి ఉండగా.. బుధవారం పలువురి సెల్‌ఫోన్లకు ‘మీ దరఖాస్తును తిరస్కరించాం’ అంటూ సందేశాలు రావడంతో వారు అయోమయానికి గురయ్యారు.
దీంతో తమకు ఎదురైన సమస్యను పరిష్కరించుకోవాలనే ఉద్దేశంతో కొందరు లబ్ధిదారులు నాంపల్లిలోని హౌసింగ్‌ బోర్డు కార్యాలయానికి చేరుకున్నారు. అక్కడ అధికారులను కలిసి తమ దరఖాస్తుల స్థితిగతులు, ఎలాట్‌మెంట్‌ పత్రాల జారీపై వివరాలు తెలుసుకునే ప్రయత్నం చేశారు.
రాష్ట్ర ప్రభుత్వం క్యూర్‌ పరిధిలోని పేదలకు ఇందిరమ్మ టవర్స్‌ ద్వారా ఫ్లాట్లు అందించేందుకు చర్యలు చేపట్టింది. ఇందులో భాగంగా 16 నియోజకవర్గాలను యూనిట్లుగా పరిగణించి నిర్వహించిన లక్కీడ్రాలో మొత్తం 7,680 మంది లబ్ధిదారులు ఎంపికయ్యారు. ఎంపికైన లబ్ధిదారులు దశలవారీగా మొత్తం రూ.6 లక్షలను హౌసింగ్‌బోర్డుకు చెల్లించాల్సి ఉండగా.. తొలిదశలో రూ.లక్ష చెల్లించేందుకు అధికారులు గడువు విధించారు.
లక్కీడ్రా అనంతరం ఎంపికైన లబ్ధిదారుల ఇళ్లకు అధికారులు వెళ్లి క్షేత్రస్థాయిలో విచారణ చేపట్టారు. నివాస చిరునామా, సంబంధిత నియోజకవర్గం తదితర అంశాలను పరిశీలించారు. అర్హతల్లో లోపాలు ఉన్నట్లు గుర్తించిన వారికి దరఖాస్తు తిరస్కరణకు సంబంధించిన సమాచారాన్ని పంపిస్తున్నారు.
మొత్తం 7,680 మంది లబ్ధిదారులు ఎంపిక కాగా.. ఇప్పటివరకు 5,501 మందికి మాత్రమే ప్రొవిజనల్‌ ఎలాట్‌మెంట్‌ పత్రాలు జారీ చేసినట్లు అధికారులు తెలిపారు. మిగిలిన దరఖాస్తుదారులకు తిరస్కరణ సమాచారాన్ని పంపినట్లు వెల్లడించారు.
అయితే, కొందరు లబ్ధిదారులు తమకు వచ్చిన తిరస్కరణ సమాచారంపై ఆవేదన వ్యక్తం చేస్తున్నారు. తాము గతంలో నివసించిన ఇళ్లను ఇటీవల ఖాళీ చేయాల్సి రావడంతో ప్రస్తుతం చిరునామా మారిందని చెబుతున్నారు. అయితే క్షేత్రస్థాయి విచారణ సమయంలో దరఖాస్తులో పేర్కొన్న ఇంట్లో ప్రస్తుతం నివసించడం లేదనే కారణంతో తమ దరఖాస్తులను తిరస్కరించారని వాపోతున్నారు. దీంతో లక్కీడ్రాలో వచ్చిన అవకాశాన్ని కోల్పోతామేమోనని ఆందోళన చెందుతున్నారు.
దీనిపై హౌసింగ్‌బోర్డు వైస్‌ఛైర్మన్‌ గౌతమ్‌ స్పందిస్తూ.. నియోజకవర్గాన్ని యూనిట్‌గా పరిగణించి లబ్ధిదారుల ఎంపిక చేపట్టడం వల్ల కొన్ని ప్రాంతాల్లో సమస్యలు తలెత్తాయని తెలిపారు. ఒక నియోజకవర్గంలో నివసిస్తూ మరో నియోజకవర్గం నుంచి దరఖాస్తు చేసిన వారికి ఇబ్బందులు ఎదురవుతున్నాయని చెప్పారు. నిబంధనలకు అనుగుణంగా లేని ఇలాంటి దరఖాస్తులు తిరస్కరణకు గురవుతున్నాయని ఆయన వివరించారు