న్యూఢిల్లీలో నిర్వహించిన “హరా భరా స్వరాజ్: రాజీవ్ గాంధీ దార్శనికతకు నివాళి” కార్యక్రమంలో లోక్సభలో ప్రతిపక్ష నేత శ్రీ రాహుల్ గాంధీ ప్రసంగించారు.మాజీ ప్రధాని రాజీవ్ గాంధీ జయంతి సందర్భంగా ఆయనకు ఘన నివాళులు అర్పించిన రాహుల్ గాంధీ, ప్రతి వ్యక్తి—మతం, వర్గం, వయస్సు, లింగంతో సంబంధం లేకుండా తాను ఈ దేశంలో భాగమేననే భావనతో జీవించే సమగ్ర భారతదేశమే రాజీవ్ గాంధీ కలలుగన్న భారతమని పేర్కొన్నారు.
సామరస్యం, మానవత్వం, సమాన హక్కులు, న్యాయం, ప్రజాస్వామ్యం వంటి విలువలే రాజీవ్ గాంధీ దార్శనికతకు పునాదులని ఆయన గుర్తుచేశారు. సమాజంలో ప్రతి ఒక్కరికీ గౌరవం, సమాన అవకాశాలు, వారికి దక్కాల్సిన సముచిత స్థానం లభించాలన్నదే రాజీవ్ గాంధీ ఆశయమని రాహుల్ గాంధీ వివరించారు.
