రీసీఈసీ జ్ఞానేశ్ కుమార్ జాతకంపై వేణుస్వామి చేసిన వ్యాఖ్యలు ప్రస్తుతం తీవ్ర చర్చకు దారితీశాయి. అక్టోబర్ 31 తర్వాత గ్రహాల సంచారంలో చోటుచేసుకునే మార్పులను ప్రస్తావించిన వేణుస్వామి.. జ్ఞానేశ్ కుమార్ సీఈసీ పదవికి ఇబ్బందులు ఎదురయ్యే అవకాశాలు ఉన్నాయని జ్యోతిష్యపరంగా అంచనా వేశారు. పరిస్థితులు అనుకూలించకపోతే రాజీనామా చేయడం లేదా పదవి నుంచి తప్పుకోవాల్సిన పరిస్థితి రావచ్చని పేర్కొన్నారు. అంతేకాకుండా, ఆయన జాతకంలో ‘కారాగార దోషం’ ఉందని చెబుతూ.. భవిష్యత్తులో జైలు సంబంధిత పరిస్థితులు ఎదురయ్యే అవకాశం కూడా ఉందని వేణుస్వామి వ్యాఖ్యానించారు.
భారత ప్రధాన ఎన్నికల కమిషనర్ (సీఈసీ) జ్ఞానేశ్ కుమార్ జాతకంపై ప్రముఖ జ్యోతిష్యుడు వేణుస్వామి చేసిన వ్యాఖ్యలు మరోసారి చర్చనీయాంశంగా మారాయి. 2026 అక్టోబర్ 31 తర్వాత గ్రహాల సంచారంలో చోటుచేసుకోనున్న మార్పులు జ్ఞానేశ్ కుమార్ వృత్తి జీవితంపై ప్రభావం చూపే అవకాశం ఉందని ఆయన జ్యోతిష్యపరంగా అంచనా వేశారు. ముఖ్యంగా సీఈసీ పదవికి సంబంధించి ప్రతికూల పరిణామాలు ఎదురయ్యే అవకాశాలు ఉన్నాయని పేర్కొన్నారు.
జ్ఞానేశ్ కుమార్ జాతకాన్ని విశ్లేషించిన వేణుస్వామి.. అక్టోబర్ 31 తర్వాత రాహు, కేతువుల గోచారంలో మార్పులతో పాటు గురు గ్రహ సంచారంలోనూ పరిణామాలు చోటుచేసుకుంటాయని తెలిపారు. ఈ గ్రహస్థితులు ఆయన అధికారిక బాధ్యతలు, వృత్తి జీవితంపై ప్రభావం చూపవచ్చని అన్నారు. ఫలితంగా సీఈసీ పదవికి ఇబ్బందులు ఎదురయ్యే అవకాశాలు ఎక్కువగా ఉన్నాయని పేర్కొన్నారు.
అంతేకాకుండా జ్ఞానేశ్ కుమార్ స్వయంగా రాజీనామా చేయడం లేదా ఇతర కారణాలతో పదవి నుంచి వైదొలగాల్సిన పరిస్థితి రావచ్చని వేణుస్వామి జోస్యం చెప్పారు. పదవి కోల్పోయిన అనంతరం జైలు సంబంధిత పరిస్థితులు ఎదురయ్యే అవకాశం ఉందంటూ ఆయన చేసిన వ్యాఖ్యలు కూడా ప్రస్తుతం తీవ్ర చర్చకు దారితీశాయి. అయితే ఇవి వేణుస్వామి చేసిన జ్యోతిష్యపరమైన అంచనాలు మాత్రమే.
సీఈసీ జ్ఞానేశ్ కుమార్‌కు భవిష్యత్తులో ఇబ్బందికర పరిస్థితులు ఎదురయ్యే అవకాశం ఉందని ప్రముఖ జ్యోతిష్య విశ్లేషకుడు వేణుస్వామి పేర్కొన్నారు. ముఖ్యంగా ఆయన పదవి కోల్పోయే పరిస్థితి అంత సులభంగా ఉండకపోవచ్చని, కొన్ని ప్రతికూల పరిణామాల మధ్యే అది జరిగే అవకాశం ఉందని వేణుస్వామి తన విశ్లేషణలో చెప్పినట్లు సమాచారం.
అంతేకాకుండా జ్ఞానేశ్ కుమార్ జాతకంలో శుక్రుడు, శని కలిసి ఉండటాన్ని ప్రస్తావించిన వేణుస్వామి.. దీనిని ‘కారాగార దోషం’గా అభివర్ణించారు. ఈ గ్రహస్థితి ప్రభావంతో భవిష్యత్తులో జైలు సంబంధిత పరిస్థితులు ఎదురయ్యే అవకాశం ఉందని అంచనా వేశారు. ముఖ్యంగా పదవి నుంచి వైదొలిగిన తర్వాత, 2030 నాటికి ఇలాంటి పరిణామాలు చోటుచేసుకునే అవకాశం ఉందని వ్యాఖ్యానించారు.
వేణుస్వామి వెల్లడించిన వివరాల ప్రకారం.. జ్ఞానేశ్ కుమార్ 1964 జనవరి 27న అర్ధరాత్రి 2.30 గంటల సమయంలో జన్మించారు. ఆయనది ఆరుద్ర నక్షత్రం మూడో పాదం, మిథున రాశి, వృశ్చిక లగ్నంగా పేర్కొన్నారు. ప్రస్తుతం ఆయనకు కేతు మహాదశ కొనసాగుతోందని తెలిపారు. జాతకంలో బుధుడు-కేతువు ఒక స్థానంలో, శుక్రుడు-శని మరో స్థానంలో, రవి-కుజులు కలిసి ఉన్నట్లు వివరించారు. ఈ గ్రహస్థితులతో పాటు రానున్న గ్రహ సంచారాలను పరిగణనలోకి తీసుకుని జ్ఞానేశ్ కుమార్ భవిష్యత్తుపై ఈ అంచనాలను చేసినట్లు పేర్కొన్నారు.
ప్రస్తుతం జ్ఞానేశ్ కుమార్ భారత 26వ ప్రధాన ఎన్నికల కమిషనర్‌గా బాధ్యతలు నిర్వహిస్తున్నారు. 2025 ఫిబ్రవరి 19న ఆయన సీఈసీగా పదవీ బాధ్యతలు స్వీకరించారు.
ఇదిలా ఉండగా, ఓటర్ల జాబితా ప్రత్యేక సమగ్ర సవరణ (SIR) అంశం ఎన్నికల సంఘం, ప్రతిపక్షాల మధ్య రాజకీయ వివాదానికి దారితీసింది. ఈ నేపథ్యంలో జ్ఞానేశ్ కుమార్ రాజీనామా చేయాలని కాంగ్రెస్‌తో పాటు పలు ప్రతిపక్ష పార్టీలు డిమాండ్ చేస్తున్నాయి. సెప్టెంబర్ చివరి వారంలోనూ ప్రతిపక్షాలు ఆయనను పదవి నుంచి తొలగించాలని కోరుతూ సమావేశాలు, నిరసనలు నిర్వహించాయి.