శరన్నవరాత్రి ఉత్సవాల సందర్భంగా పశ్చిమగోదావరి జిల్లా భీమవరంలో ఆధ్యాత్మిక సందడి నెలకొంది. స్థానిక త్యాగరాజ భవనంలో నిర్వహిస్తున్న శ్రీ వాసవీ కన్యకా పరమేశ్వరి అమ్మవారి 59వ దసరా ఉత్సవాల్లో భాగంగా అమ్మవారు ‘ధనలక్ష్మి’ అవతారంలో భక్తులకు దర్శనమిచ్చారు. ఈ సందర్భంగా అమ్మవారిని ఏకంగా రూ.4 కోట్ల విలువైన కరెన్సీ నోట్లతో అలంకరించడం ప్రత్యేక ఆకర్షణగా నిలిచింది. నోట్లతో అలంకరించిన అమ్మవారిని దర్శించుకునేందుకు భక్తులు ఆసక్తి చూపిస్తున్నారు. ఈ విశేష అలంకరణ భక్తులను ఎంతగానో ఆకట్టుకుంటోంది.
శరన్నవరాత్రి ఉత్సవాల సందర్భంగా పశ్చిమగోదావరి జిల్లా భీమవరంలో భక్తి సందడి నెలకొంది. స్థానిక త్యాగరాజ భవనంలో నిర్వహిస్తున్న శ్రీ వాసవీ కన్యకా పరమేశ్వరి అమ్మవారి 59వ దసరా ఉత్సవాల్లో భాగంగా వాసవీ మాత ధనలక్ష్మి అవతారంలో భక్తులకు దర్శనమిచ్చారు. అమ్మవారి అలంకరణ భక్తులను విశేషంగా ఆకట్టుకుంటోంది.
ఈ ఉత్సవాల్లో ప్రత్యేక ఆకర్షణగా అమ్మవారిని ఏకంగా రూ.4 కోట్ల విలువైన కరెన్సీ నోట్లతో అలంకరించారు. కరెన్సీ నోట్లు, స్వర్ణాభరణాల కాంతులతో వాసవీ మాత ఆలయం దేదీప్యమానంగా వెలిగిపోయింది. ఆర్యవైశ్య యువజన సంఘం, ఆర్యవైశ్య వర్తక సంఘం సంయుక్త ఆధ్వర్యంలో ఈ ప్రత్యేక పూజా కార్యక్రమాలను శాస్త్రోక్తంగా నిర్వహించారు.
రూ.500, రూ.200, రూ.100, రూ.50, రూ.20, రూ.10 ముఖవిలువ కలిగిన నోట్లతో భారీ హారాలు, తోరణాలను రూపొందించారు. వీటితో ఆలయ గర్భాలయాన్ని, మండపాన్ని అందంగా అలంకరించారు. కరెన్సీ నోట్లతో పాటు బంగారు, వెండి ఆభరణాలతో అమ్మవారిని సర్వాంగ సుందరంగా ముస్తాబు చేశారు. ధనలక్ష్మి రూపంలో కొలువుదీరిన వాసవీ మాతను దర్శించుకునేందుకు భక్తులు పెద్ద సంఖ్యలో తరలివచ్చారు.
భీమవరం పరిసర ప్రాంతాలతో పాటు ఇతర ప్రాంతాల నుంచి కూడా భక్తులు వచ్చి అమ్మవారిని దర్శించుకుని ప్రత్యేక పూజలు నిర్వహించారు. ఉత్సవాల్లో భాగంగా ప్రతిరోజూ సాయంత్రం మహిళలు పెద్ద ఎత్తున కుంకుమ పూజల్లో పాల్గొంటున్నారు. దీంతో ఆలయ పరిసరాల్లో ఆధ్యాత్మిక వాతావరణం నెలకొంది.
అమ్మవారి దర్శనానికి వచ్చే భక్తులకు ఎలాంటి అసౌకర్యం కలగకుండా నిర్వాహకులు ప్రత్యేక ఏర్పాట్లు చేశారు. భక్తులకు తీర్థప్రసాదాలను ఉచితంగా పంపిణీ చేశారు. దసరా ఉత్సవాల్లో భాగంగా ధనలక్ష్మి అవతారంలో దర్శనమిస్తున్న వాసవీ మాతను చూసేందుకు భక్తులు ఆసక్తి చూపిస్తున్నారు.