
D News: Nov 20: మూడు రోజులుగా భారీగా తగ్గుతున్న బంగారం ధరలు.. వెండిపైనా రూ.5,000 పతనం!
బంగారం, వెండి కొనుగోలుదారులకు భారీ ఊరట లభిస్తోంది. విలువైన లోహాల ధరలు వరుసగా మూడో రోజు కూడా భారీగా తగ్గాయి. అంతర్జాతీయ భౌగోళిక రాజకీయ పరిణామాల నేపథ్యంలో బంగారం, వెండి ధరలు దిగివస్తున్నట్లు మార్కెట్ వర్గాలు చెబుతున్నాయి. తాజాగా శుక్రవారం దేశీయ మార్కెట్లో 24 క్యారెట్ల 10 గ్రాముల బంగారం ధరపై ఏకంగా రూ.5,120 తగ్గగా, 22 క్యారెట్ల బంగారం ధరపై రూ.4,700 మేర పతనమైంది. మరోవైపు కిలో వెండి ధర కూడా రూ.5,000 తగ్గింది.
నేడు బంగారం ధరలు ఎలా ఉన్నాయంటే?
గుడ్రిటర్న్స్ వెబ్సైట్ వివరాల ప్రకారం, శుక్రవారం ఉదయం 10 గంటల సమయానికి 24 క్యారెట్ల 10 గ్రాముల బంగారం ధర రూ.5,120 తగ్గి రూ.1,25,570కు చేరింది. అదేవిధంగా ఆభరణాల తయారీకి ఉపయోగించే 22 క్యారెట్ల 10 గ్రాముల బంగారం ధర రూ.4,700 తగ్గి రూ.1,15,100 వద్దకు దిగివచ్చింది. ఇక 18 క్యారెట్ల 10 గ్రాముల బంగారం ధర రూ.94,180గా నమోదైంది.
బంగారం ధరలతో పాటు వెండి ధరలు కూడా భారీగా తగ్గాయి. కిలో వెండిపై రూ.5,000 తగ్గడంతో హైదరాబాద్, విజయవాడ మార్కెట్లలో ప్రస్తుతం కిలో వెండి ధర రూ.1.75 లక్షలుగా ఉంది.
తెలంగాణలోని ప్రధాన నగరాల్లో బంగారం ధరలు
తెలంగాణలో హైదరాబాద్, వరంగల్, నిజామాబాద్, ఖమ్మం నగరాల్లో 10 గ్రాముల బంగారం ధరలు ఒకే విధంగా ఉన్నాయి. ఆయా నగరాల్లో 24 క్యారెట్ల బంగారం ధర రూ.1,25,570 కాగా, 22 క్యారెట్ల ధర రూ.1,15,100గా ఉంది. ఇక 18 క్యారెట్ల బంగారం ధర రూ.94,180 వద్ద కొనసాగుతోంది.
ఆంధ్రప్రదేశ్లోని ప్రధాన నగరాల్లో పసిడి ధరలు
ఆంధ్రప్రదేశ్లోని విజయవాడ, విశాఖపట్నం, అమరావతి, కాకినాడ, తిరుపతి నగరాల్లోనూ బంగారం ధరలు ఒకే విధంగా నమోదయ్యాయి. 10 గ్రాముల 24 క్యారెట్ల బంగారం ధర రూ.1,25,570గా ఉండగా, 22 క్యారెట్ల ధర రూ.1,15,100గా ఉంది. అలాగే 18 క్యారెట్ల బంగారం ధర రూ.94,180గా కొనసాగుతోంది.
దేశంలోని ప్రధాన నగరాల్లో బంగారం ధరల వివరాలు
దేశ రాజధాని ఢిల్లీలో 10 గ్రాముల 24 క్యారెట్ల బంగారం ధర రూ.1,25,720గా ఉండగా, 22 క్యారెట్ల ధర రూ.1,15,250గా ఉంది. 18 క్యారెట్ల బంగారం ధర రూ.94,330గా నమోదైంది.
మరోవైపు చెన్నైలో 24 క్యారెట్ల బంగారం ధర రూ.1,25,570, 22 క్యారెట్ల ధర రూ.1,15,100, 18 క్యారెట్ల ధర రూ.94,200గా ఉంది. ముంబై, కోల్కతా, కేరళ, పుణె నగరాల్లో 24 క్యారెట్ల బంగారం ధర రూ.1,25,570గా, 22 క్యారెట్ల ధర రూ.1,15,100గా, 18 క్యారెట్ల ధర రూ.94,180గా కొనసాగుతోంది.
బంగారం, వెండి ధరలు భారీగా తగ్గడంతో కొనుగోలుదారులకు కొంత ఊరట లభించింది. అయితే బులియన్ మార్కెట్లో ధరలు ఎప్పటికప్పుడు మారుతుంటాయి. కాబట్టి ఆభరణాలు కొనుగోలు చేసే ముందు స్థానిక జువెలరీ దుకాణాల్లో తాజా ధరలను తెలుసుకోవడం మంచిది.
