తమిళనాడు సర్కారు అదిరిపోయే పథకం.. ప్రభుత్వాసుపత్రుల్లో పిల్లలు పుడితే బంగారు ఉంగరం అందజేత

తమిళనాడులోని ప్రభుత్వ ఆస్పత్రుల్లో పుట్టే నవజాత శిశువులకు బంగారు కానుక అందించేలా విజయ్ నేతృత్వంలోని టీవీకే ప్రభుత్వం కీలక పథకాన్ని తీసుకొచ్చింది. ‘తాయ్ మామన్ తంగ మోతిరం’ పేరుతో అమలు చేయనున్న ఈ పథకం కింద ప్రభుత్వ దవాఖానాల్లో జన్మించే ప్రతి చిన్నారికి ఒక గ్రాము బంగారు ఉంగరాన్ని అందించనున్నారు.

ఈ పథకానికి అవసరమైన బంగారు ఉంగరాల సరఫరా బాధ్యతను జోయాలుక్కాస్ సంస్థ దక్కించుకుంది. ఉంగరాల తయారీ మజూరీని కేవలం ఒక్క పైసాగా పేర్కొంటూ సంస్థ టెండర్‌ను సొంతం చేసుకుంది.

ఈ పథకాన్ని సెప్టెంబరు 15వ తేదీ నుంచి అధికారికంగా ప్రారంభించేందుకు ప్రభుత్వం ఏర్పాట్లు చేస్తోంది. పథకం అమలు విధానం, అర్హతలు, ఉంగరాల పంపిణీ ప్రక్రియ తదితర పూర్తి వివరాలు ఇప్పుడు తెలుసుకుందాం.

తమిళనాడు ప్రభుత్వం నవజాత శిశువుల సంక్షేమాన్ని దృష్టిలో పెట్టుకుని ఓ వినూత్న పథకానికి శ్రీకారం చుట్టింది. ‘తాయ్ మామన్ తంగ మోతిరం’ పేరుతో చేపట్టిన ఈ పథకం కింద ప్రభుత్వ ఆస్పత్రుల్లో జన్మించే ప్రతి శిశువుకు ఒక గ్రాము బరువున్న బంగారు ఉంగరాన్ని బహుమతిగా అందించనున్నారు.

ముఖ్యమంత్రి జోసెఫ్ విజయ్ నేతృత్వంలోని తమిళనాడు ప్రభుత్వం ఈ కీలక నిర్ణయం తీసుకుంది. సెప్టెంబర్ 15 నుంచి ఈ పథకాన్ని అధికారికంగా ప్రారంభించేందుకు ఏర్పాట్లు చేస్తోంది.

అయితే ఈ పథకంలో మరో ఆసక్తికరమైన అంశం ఉంది. శిశువులకు అందించే బంగారు ఉంగరాల తయారీకి అయ్యే మజూరీని కేవలం ఒక్క పైసాగా నిర్ణయించారు. దీంతో ఈ టెండర్‌ను ఏ సంస్థ దక్కించుకుంది? తొలి విడతలో ఎన్ని లక్షల బంగారు ఉంగరాలను తయారు చేయనున్నారు? వంటి విషయాలు ఇప్పుడు తెలుసుకుందాం.

రాష్ట్రవ్యాప్తంగా ఉన్న ప్రభుత్వ ఆసుపత్రుల్లో జూన్ 22వ తేదీ నుంచి జన్మించిన ప్రతి శిశువుకూ ఈ పథకం వర్తిస్తుందని తమిళనాడు ప్రభుత్వం ప్రకటించింది. అయితే ఈ ప్రతిష్ఠాత్మక సంక్షేమ కార్యక్రమాన్ని ముఖ్యమంత్రి జోసెఫ్ విజయ్ సెప్టెంబర్ 15వ తేదీన అధికారికంగా ప్రారంభించనున్నారు.

తొలి విడతలో భాగంగా జూన్ నుంచి సెప్టెంబర్ వరకు నాలుగు నెలల వ్యవధిలో ప్రభుత్వ ఆసుపత్రుల్లో జన్మించిన శిశువుల కోసం మొత్తం 1,28,499 బంగారు ఉంగరాలను కొనుగోలు చేయాలని ప్రభుత్వం నిర్ణయించింది. ఇందుకు సంబంధించిన ప్రక్రియను తమిళనాడు మెడికల్ సర్వీసెస్ కార్పొరేషన్ చేపట్టింది.

ఈ మేరకు జూలై 14వ తేదీన ఉంగరాల సరఫరా కోసం గ్లోబల్ టెండర్లను ఆహ్వానించారు. ఈ టెండర్ ప్రక్రియ ద్వారా ఎంపికైన సంస్థే తొలి విడతలో అవసరమైన బంగారు ఉంగరాలను తయారు చేసి ప్రభుత్వానికి సరఫరా చేయనుంది.