తిరుమలలో శ్రీవారి బ్రహ్మోత్సవాలు వైభవంగా కొనసాగుతున్నాయి. మరోవైపు, దసరా సెలవులు కూడా రావడంతో శ్రీవారి దర్శనం కోసం భక్తులు పెద్ద సంఖ్యలో తరలివస్తున్నారు. ఈ నేపథ్యంలో సామాన్య భక్తులకు ప్రాధాన్యం ఇచ్చేలా టీటీడీ ప్రత్యేక చర్యలు చేపట్టింది. దీంతో భక్తులకు స్వామివారి దర్శనం త్వరగా పూర్తవుతున్నట్లు తెలుస్తోంది.
భక్తుల రద్దీని దృష్టిలో ఉంచుకుని టీటీడీ ఇప్పటికే వీఐపీ బ్రేక్‌ దర్శనాలు, వృద్ధులు, దివ్యాంగులు, స్లాటెడ్‌ సర్వదర్శన టోకెన్లు, చంటిపిల్లల తల్లిదండ్రులు, ఎన్నారైల దర్శనాలను రద్దు చేసింది. ఈ నిర్ణయంతో సాధారణ భక్తులకు దర్శనంలో ప్రాధాన్యం లభిస్తోంది. మరోవైపు, వసతి గదుల కేటాయింపులోనూ సామాన్య భక్తులకే మొదటి ప్రాధాన్యం ఇస్తున్నట్లు టీటీడీ వెల్లడించింది. భక్తులకు ఇబ్బందులు కలగకుండా దర్శనం, వసతి సౌకర్యాల నిర్వహణపై ప్రత్యేక దృష్టి సారించినట్లు తెలిపింది.
తిరుమలలో శ్రీవారి నవరాత్రి బ్రహ్మోత్సవాలు వైభవంగా కొనసాగుతున్నాయి. దసరా పండుగ, వరుస సెలవులు, బ్రహ్మోత్సవాలు ఒకేసారి రావడంతో తిరుమలలో భక్తుల రద్దీ పెరిగింది. గత రెండు, మూడు రోజులుగా రోజుకు 80 వేల మందికి పైగా భక్తులు శ్రీవారిని దర్శించుకుంటున్నారు. అయినప్పటికీ, భక్తులు ఎక్కువసేపు వేచి ఉండకుండా త్వరగా దర్శనం చేసుకునేలా టీటీడీ ప్రత్యేక ఏర్పాట్లు చేపట్టింది.
క్యూలైన్లలోకి ప్రవేశించినప్పటి నుంచి మూలమూర్తిని దర్శించుకుని బయటకు వచ్చే వరకు సుమారు మూడున్నర గంటల్లోనే ప్రక్రియ పూర్తవుతున్నట్లు సమాచారం. భక్తుల రద్దీని ఎప్పటికప్పుడు పర్యవేక్షిస్తూ, క్యూలైన్లు సజావుగా సాగేందుకు టీటీడీ అధికారులు చర్యలు తీసుకుంటున్నారు.
ఇటీవల శ్రీవారిని దర్శించుకున్న భక్తుల సంఖ్యను పరిశీలిస్తే.. ఈ నెల 12న 83,322 మంది, 13న 84,179 మంది, 14న 84,289 మంది స్వామివారిని దర్శించుకున్నారు. పండుగ సెలవులు, బ్రహ్మోత్సవాల నేపథ్యంలో భక్తుల రద్దీ కొనసాగుతున్నప్పటికీ, దర్శనం త్వరగా పూర్తయ్యేలా టీటీడీ ఏర్పాట్లు చేస్తోంది.
తిరుమల శ్రీవారి నవరాత్రి బ్రహ్మోత్సవాల్లో సామాన్య భక్తులకు ప్రాధాన్యం కల్పించేందుకు టీటీడీ ప్రత్యేక చర్యలు చేపట్టింది. ఇందులో భాగంగా స్లాటెడ్‌ సర్వదర్శనం టోకెన్లు, వీఐపీ బ్రేక్‌ దర్శనాలతోపాటు వృద్ధులు, దివ్యాంగులు, చంటిపిల్లల తల్లిదండ్రులు, ఎన్నారైల దర్శనాలను రద్దు చేసింది. ఈ నిర్ణయంతో ఎక్కువ మంది సాధారణ భక్తులకు శ్రీవారి దర్శనం కల్పించేందుకు అవకాశం ఏర్పడిందని తిరుమల శ్రీవారి ఆలయ డిప్యూటీ ఈవో బయ్యాల భాస్కర్‌ తెలిపారు.
నవరాత్రి బ్రహ్మోత్సవాలు ప్రారంభమైన తొలి రెండు రోజుల్లో దాదాపు 1.68 లక్షల మంది భక్తులు స్వామివారిని దర్శించుకున్నారని ఆయన వెల్లడించారు. గంటకు నాలుగు వేల మందికి తగ్గకుండా భక్తులు సౌకర్యవంతంగా దర్శనం చేసుకునేలా ఏర్పాట్లు చేసినట్లు చెప్పారు. దర్శన ఏర్పాట్లపై భక్తులు సంతృప్తి వ్యక్తం చేస్తున్నారని పేర్కొన్నారు. భక్తుల రద్దీకి అనుగుణంగా రోజుకు తొమ్మిది లక్షల లడ్డూలను అందుబాటులో ఉంచుతున్నట్లు వివరించారు.
వసతి గదుల కేటాయింపులోనూ సామాన్యులకే ప్రాధాన్యం
తిరుమలలో వసతి గదుల కేటాయింపులోనూ సాధారణ భక్తులకు ప్రాధాన్యం ఇస్తున్నట్లు డిప్యూటీ ఈవో బయ్యాల భాస్కర్‌ తెలిపారు. బ్రహ్మోత్సవాల సమయంలో రోజుకు సుమారు నాలుగు వేల గదులను సామాన్య భక్తులకు కేటాయిస్తున్నట్లు వెల్లడించారు. భక్తులకు త్వరగా గదులు అందించేందుకు రిజిస్ట్రేషన్‌ ప్రక్రియను వేగవంతం చేశామని చెప్పారు.
అలాగే, గదుల కోసం చెల్లించిన కాషన్‌ డిపాజిట్‌ను నిబంధనలకు అనుగుణంగా 100 శాతం తిరిగి చెల్లిస్తున్నట్లు తెలిపారు. అయితే, నిబంధనలు ఉల్లంఘించిన సందర్భాల్లో మాత్రమే డిపాజిట్‌ రీఫండ్‌ చేయడం సాధ్యం కాదని స్పష్టం చేశారు. బ్రహ్మోత్సవాలకు వచ్చే భక్తులకు దర్శనం, వసతి, ప్రసాదాల విషయంలో ఇబ్బందులు కలగకుండా టీటీడీ అన్ని ఏర్పాట్లు చేస్తున్నట్లు వివరించారు.
తిరుమలకు వచ్చే భక్తులకు నిరంతరాయంగా అన్నప్రసాదాలు పంపిణీ చేసేందుకు టీటీడీ విస్తృత ఏర్పాట్లు చేపట్టింది. గతంలో జరిగిన సాలకట్ల బ్రహ్మోత్సవాలకు వచ్చిన భక్తుల సంఖ్యను ఆధారంగా తీసుకుని, నవరాత్రి బ్రహ్మోత్సవాలకు అదనంగా సుమారు 30 శాతం మంది భక్తులు వచ్చే అవకాశం ఉందని అధికారులు అంచనా వేశారు. ఈ మేరకు ప్రతి భక్తుడికి అన్నప్రసాదాలు అందేలా ప్రత్యేక ప్రణాళిక రూపొందించినట్లు టీటీడీ అధికారులు తెలిపారు.
ముఖ్యంగా గరుడసేవ రోజున భక్తులకు ఎలాంటి ఇబ్బందులు కలగకుండా ఉదయం 7 గంటల నుంచి అర్ధరాత్రి 12 గంటల వరకు నిరంతరాయంగా అన్నప్రసాదాలు పంపిణీ చేయనున్నారు. ఇందుకోసం అన్నప్రసాద విభాగం ప్రత్యేక ఏర్పాట్లు చేసింది. నాలుగు మాడ వీధులతోపాటు తిరుమలలోని ఇతర ముఖ్యమైన ప్రాంతాల్లో భక్తులకు అన్నప్రసాదాలు అందించనున్నారు. వీటితోపాటు మజ్జిగ, జ్యూస్‌ ప్యాకెట్లు, బిస్కెట్లను కూడా పంపిణ