దక్షిణాఫ్రికా, జింబాబ్వే, నమీబియా ఆతిథ్యమిస్తున్న ఐసీసీ పురుషుల వన్డే ప్రపంచకప్ 2027 కోసం ఐసీసీ సరికొత్త రివాంప్డ్ ఫార్మాట్ను ప్రకటించింది. మొత్తం 14 జట్లు పాల్గొనే ఈ టోర్నీలో పోటీని మరింత ఆసక్తికరంగా మార్చడానికి మూడు ప్రధాన దశలను ప్రవేశపెట్టారు. ముందుగా అత్యల్ప ర్యాంక్ కలిగిన 3 జట్లు ‘సూపర్ సిరీస్’ ఆడి ఒకటి గ్రూప్ స్టేజ్కు అర్హత సాధిస్తుంది. ఆపై 12 జట్లు రెండు గ్రూప్లుగా (6 చొప్పున) విడిపోయి 30 మ్యాచ్లు ఆడతాయి. ఆ తర్వాత సూపర్ 7, సెమీఫైనల్, ఫైనల్ మ్యాచ్లు జరుగుతాయి.
అంతర్జాతీయ క్రికెట్ మండలి (ఐసీసీ) పురుషుల వన్డే ప్రపంచకప్ 2027 కోసం సరికొత్త, ఆకర్షణీయమైన ఫార్మాట్ను అధికారికంగా విడుదల చేసింది. గత 2 ఎడిషన్ల (2019, 2023) మాదిరిగా కాకుండా, ఈసారి పాల్గొనే జట్ల సంఖ్యను 10 నుంచి 14కు పెంచారు. ప్రతి మ్యాచ్లోనూ తీవ్రమైన పోటీ, ఉత్కంఠ నెలకొనేలా టోర్నీ ఫార్మాట్ను ఐసీసీ పూర్తిగా మార్చివేసింది.
కొత్త ఫార్మాట్ ప్రకారం టోర్నమెంట్ మూడు ప్రధాన దశల్లో సాగుతుంది. మొదటి దశగా ‘సూపర్ సిరీస్’ జరుగుతుంది. క్వాలిఫై అయిన 14 జట్లలో అత్యల్ప ర్యాంక్ ఉన్న చివరి మూడు జట్లు (12, 13, 14 ర్యాంకర్లు) రౌండ్-రాబిన్ పద్ధతిలో తలపడతాయి. ఈ సిరీస్లో అగ్రస్థానంలో నిలిచే విజేత జట్టు ప్రధాన గ్రూప్ స్టేజ్ రౌండ్లోకి అడుగుపెడుతుంది. మిగిలిన రెండు జట్లు టోర్నీ నుంచి నిష్క్రమిస్తాయి.
రెండో దశ అయిన ‘గ్రూప్ స్టేజ్’లో మొత్తం 30 మ్యాచ్లు జరగనున్నాయి. ఈ దశలో 12 జట్లను ‘గ్రూప్ 1’, ‘గ్రూప్ 2’ గా ఆరేసి జట్ల చొప్పున విభజిస్తారు. ప్రతి గ్రూప్లోని జట్లు మిగిలిన ఐదు జట్లతో రౌండ్-రాబిన్ పద్ధతిలో పోటీపడతాయి. ఈ దశ ముగిసేసరికి రెండు గ్రూప్ల నుంచి చెరో టాప్ 3 జట్లు (మొత్తం 6) నేరుగా తదుపరి రౌండ్కు అర్హత సాధిస్తాయి. వారితో పాటు రెండు గ్రూప్లలో కలిపి పాయింట్లు, రన్ రేట్ ఆధారంగా ‘నెక్స్ట్ బెస్ట్’ స్థానంలో నిలిచే నాలుగో జట్టు కూడా అర్హత సాధిస్తుంది.
