పెళ్లైన మూడు నెలలకే ఓ తెలంగాణ యువకుడి జీవితం విషాదంగా ముగిసింది. ఉపాధి కోసం మాల్టాకు వెళ్లిన అతడు రోడ్డు ప్రమాదంలో మృతి చెందడంతో కుటుంబంలో తీవ్ర విషాదం నెలకొంది. కొత్త జీవితంపై ఎన్నో ఆశలు పెట్టుకున్న కుటుంబ సభ్యులకు ఈ విషాద వార్త తీరని శోకాన్ని మిగిల్చింది.
ఉపాధి కోసం మాల్టా వెళ్లిన జగిత్యాలకు చెందిన 27 ఏళ్ల యువకుడు రోడ్డు ప్రమాదంలో మృతిచెందాడు. పెళ్లైన కేవలం మూడు నెలలకే ఈ విషాద ఘటన చోటుచేసుకోవడంతో కుటుంబ సభ్యులు కన్నీరుమున్నీరవుతున్నారు. చేతికందిన కొడుకు దూరమవడంతో కుటుంబంలో విషాద ఛాయలు అలుముకున్నాయి. యువకుడి మృతదేహాన్ని వీలైనంత త్వరగా స్వగ్రామానికి తరలించేలా చర్యలు తీసుకోవాలని కుటుంబ సభ్యులు ప్రభుత్వాలను కోరుతున్నారు.
పెళ్లయి మూడు నెలలు కూడా గడవకముందే ఆ యువకుడు విగతజీవిగా మారడంతో కుటుంబంలో తీవ్ర విషాదం నెలకొంది. ఎన్నో ఆశలతో ఉపాధి కోసం యూరప్లోని మాల్టాకు వెళ్లిన జగిత్యాల పట్టణానికి చెందిన 27 ఏళ్ల యువకుడు రోడ్డు ప్రమాదంలో ప్రాణాలు కోల్పోయాడు. దీంతో జగిత్యాలలోని ఇస్లాంపురా ప్రాంతంలో విషాదఛాయలు అలుముకున్నాయి. కొత్త జీవితంపై ఎన్నో ఆశలు పెట్టుకున్న సమయంలో జరిగిన ఈ విషాద ఘటనతో కుటుంబ సభ్యులు కన్నీరుమున్నీరవుతున్నారు.
ఇస్లాంపురాకు చెందిన మహమ్మద్ ముజహిద్ కుమారుడు మహమ్మద్ జావిద్ (27) యూరప్ మాల్టాలోని ఓ కంపెనీలో ఉద్యోగం చేస్తున్నాడు. కారులో ప్రయాణిస్తుండగా ట్రక్కు ఢీకొనడంతో ప్రమాదం జరిగినట్లు కుటుంబ సభ్యులు తెలిపారు. ఈ ప్రమాదంలో జావిద్ అక్కడికక్కడే మృతి చెందినట్లు సమాచారం. ఘటనకు సంబంధించిన సమాచారాన్ని అధికారులు కుటుంబ సభ్యులకు తెలియజేశారు.
కుటుంబ సభ్యుల వివరాల ప్రకారం.. జావిద్ సుమారు ఏడాదిన్నర క్రితం ఉద్యోగం కోసం యూరప్లోని మాల్టాకు వెళ్లాడు. మూడు నెలల క్రితం స్వదేశానికి తిరిగి వచ్చి వివాహం చేసుకున్న అనంతరం తిరిగి మాల్టాకు వెళ్లాడు. అయితే పెళ్లైన కేవలం మూడు నెలలకే రోడ్డు ప్రమాదంలో మృతి చెందడంతో కుటుంబ సభ్యులు, బంధువులు తీవ్ర విషాదంలో మునిగిపోయారు. జావిద్ మృతదేహాన్ని వీలైనంత త్వరగా స్వగ్రామానికి తీసుకురావడానికి చర్యలు చేపట్టాలని కుటుంబ సభ్యులు కేంద్ర, రాష్ట్ర ప్రభుత్వాలను కోరుతున్నారు.
