మాస్ మహారాజా రవితేజ నటించిన ‘ఇరుముడి’ బాక్సాఫీస్ వద్ద బ్లాక్బస్టర్ టాక్తో దూసుకెళ్తోంది. ప్రేక్షకుల నుంచి వస్తున్న ఆదరణతో భారీ సంఖ్యలో థియేటర్లకు జనం తరలివస్తున్నారు. ఈ ఏడాది అత్యధిక ఫుట్ఫాల్స్ సాధించిన సినిమాల్లో ముందున్న రామ్ చరణ్ ‘పెద్ది’ రికార్డును కూడా ‘ఇరుముడి’ అధిగమించినట్లు ట్రేడ్ గణాంకాలు చెబుతున్నాయి.
ముఖ్యంగా తొలి ఆదివారం థియేటర్లకు వచ్చిన ప్రేక్షకుల సంఖ్య విషయంలో ‘ఇరుముడి’ సరికొత్త రికార్డు నమోదు చేసింది. ఆన్లైన్ ట్రాక్డ్ షోల ప్రకారం.. తొలి ఆదివారం ‘పెద్ది’కి సుమారు 9.47 లక్షల టికెట్లు అమ్ముడయ్యాయి. అయితే ‘ఇరుముడి’ దాదాపు 11 లక్షల టికెట్ల విక్రయాలతో ఆ రికార్డును అధిగమించింది.
సినిమాకు లభించిన పాజిటివ్ మౌత్ టాక్, కంటెంట్పై ప్రేక్షకుల్లో పెరిగిన ఆసక్తి ఈ భారీ ఫుట్ఫాల్స్కు ప్రధాన కారణంగా కనిపిస్తోంది. ముఖ్యంగా సాధారణ ప్రేక్షకులు, కుటుంబ ప్రేక్షకులు ‘ఇరుముడి’ కోసం థియేటర్లకు పెద్ద సంఖ్యలో తరలివచ్చారు.
అయితే బాక్సాఫీస్ వసూళ్ల విషయానికి వస్తే మాత్రం లెక్కలు భిన్నంగా ఉన్నాయి. 9.47 లక్షల టికెట్ల విక్రయాలతో ‘పెద్ది’ తొలి ఆదివారం రూ.20.50 కోట్ల గ్రాస్ సాధించగా.. దాదాపు 11 లక్షల టికెట్లు అమ్ముడైన ‘ఇరుముడి’ రూ.16.88 కోట్ల గ్రాస్కే పరిమితమైంది.
దీనికి ప్రధాన కారణం రెండు సినిమాల సగటు టికెట్ ధరల్లో ఉన్న వ్యత్యాసమే. ‘పెద్ది’ సగటు టికెట్ ధర సుమారు రూ.216గా ఉండగా.. ‘ఇరుముడి’ టికెట్ సగటు ధర రూ.153గా ఉంది. దీంతో తక్కువ టికెట్ ధర కారణంగా ‘ఇరుముడి’కి ఎక్కువ మంది ప్రేక్షకులు వచ్చినప్పటికీ.. అధిక టికెట్ ధరతో ‘పెద్ది’ తక్కువ ఫుట్ఫాల్స్తోనే ఎక్కువ గ్రాస్ వసూలు చేసింది.
అంటే ఫుట్ఫాల్స్లో ‘ఇరుముడి’ పైచేయి సాధిస్తే.. టికెట్ ధర ప్రభావంతో వసూళ్లలో మాత్రం ‘పెద్ది’ ముందంజలో నిలిచింది.
