SBI: ఈ స్కీమ్ లో చేరాలంటే ఎస్‌బీఐ బ్రాంచ్‌కు వెళ్లి నేరుగా లేదా SBI YONO యాప్ / ఇంటర్నెట్ బ్యాంకింగ్ ద్వారా ఆన్‌లైన్‌లో సులభంగా డిపాజిట్ చేయవచ్చు. తక్కువ వ్యవధిలో (సుమారు 14.5 నెలలు) సేఫ్‌గా గ్యారెంటీ రాబడి పొందాలనుకునే..
వడ్డీ రేట్ల వివరాలు:
SBI సాధారణ ఎఫ్‌డీ రేట్ల కంటే ఈ 444 రోజుల స్కీమ్‌పై అధిక వడ్డీని అందిస్తోంది. సాధారణ పౌరులకు ఏడాదికి 6.45% వడ్డీ రేటు. అలాగే సీనియర్ సిటిజన్లకు 60 ఏళ్లు దాటిన వారికి ఏడాదికి 6.95% వడ్డీ రేటు (అదనంగా 0.50% లభిస్తుంది). సూపర్ సీనియర్ సిటిజన్లకు 80 ఏళ్లు దాటిన వారికి ఏడాదికి 7.05% వడ్డీ రేటు లభిస్తుంది.
రూ.5 లక్షల పెట్టుబడిపై మెచ్యూరిటీ రాబడి ఎంత?
ఈ స్కీమ్‌లో రూ.5 లక్షలు జమ చేసినప్పుడు 444 రోజుల తర్వాత ఎంత రాబడి వస్తుందో చూద్దాం.
1. సాధారణ డిపాజిటర్లకు:
- పెట్టుబడి మొత్తం: రూ.5,00,000
- వడ్డీ రేటు: 6.45%
- సుమారు రాబడే వడ్డీ: రూ.40,000 కంటే ఎక్కువ
- మొత్తం మెచ్యూరిటీ అమౌంట్: సుమారు రూ.5,40,000పైనే.
2. సీనియర్ సిటిజన్లకు:
- పెట్టుబడి మొత్తం: రూ.5,00,000
- వడ్డీ రేటు: 6.95%
- సుమారు రాబడే వడ్డీ: రూ.43,000 కంటే ఎక్కువ
- మొత్తం మెచ్యూరిటీ అమౌంట్: సుమారు రూ.5,43,000పైనే.
ఈ స్కీమ్ ముఖ్య ఫీచర్లు:
- డిపాజిట్ పరిమితి: కనీసం రూ.1,000 నుండి ప్రారంభించి గరిష్టంగా రూ.3 కోట్ల వరకు పెట్టుబడి పెట్టవచ్చు. అత్యవసర సమయాల్లో ఈ ఎఫ్‌డీ పై బ్యాంక్ నుండి లోన్ తీసుకునే అవకాశం ఉంది. మెచ్యూరిటీకి ముందే డబ్బు విత్‌‌డ్రా చేసుకోవచ్చు. కానీ వర్తించే నిబంధనల ప్రకారం కొంత పెనాల్టీ వర్తిస్తుంది.
ఎలా అప్లై చేయాలి?:
ఎస్‌బీఐ బ్రాంచ్‌కు వెళ్లి నేరుగా లేదా SBI YONO యాప్ / ఇంటర్నెట్ బ్యాంకింగ్ ద్వారా ఆన్‌లైన్‌లో సులభంగా డిపాజిట్ చేయవచ్చు. తక్కువ వ్యవధిలో (సుమారు 14.5 నెలలు) సేఫ్‌గా గ్యారెంటీ రాబడి పొందాలనుకునే వారికి ఈ ‘SBI అమృత్ వృష్టి’ మంచి ఎంపికగా ఉపయోగపడుతుంది.