D Educt: Nov 2: ఎన్‌ఎంఎంఎస్‌ పరీక్ష దరఖాస్తులకు నవంబరు 6 వరకు గడువు

నేషనల్‌ మీన్స్‌ కమ్‌ మెరిట్‌ స్కాలర్‌షిప్‌ (ఎన్‌ఎంఎంఎస్‌) పరీక్షకు ఆన్‌లైన్‌ దరఖాస్తులు సమర్పించేందుకు నవంబరు 6వ తేదీ వరకు అవకాశం కల్పించినట్లు ప్రభుత్వ పరీక్షల విభాగం సంచాలకులు కేవీ శ్రీనివాసులురెడ్డి తెలిపారు. పరీక్ష రుసుమును నవంబరు 7వ తేదీ వరకు చెల్లించవచ్చని వెల్లడించారు.

ఎవరు అర్హులు?

రాష్ట్రంలోని ప్రభుత్వ, జిల్లా పరిషత్తు, మండల పరిషత్తు, పురపాలక, ఎయిడెడ్‌ పాఠశాలలు, వసతి సౌకర్యం లేని ఆదర్శ పాఠశాలల్లో ఎనిమిదో తరగతి చదువుతున్న విద్యార్థులు ఈ పరీక్షకు దరఖాస్తు చేసుకోవచ్చు. అయితే, వారి కుటుంబ వార్షిక ఆదాయం రూ.3.50 లక్షలలోపు ఉండాలని ఆయన స్పష్టం చేశారు.

పత్రాల సమర్పణకు గడువు

పాఠశాలల ప్రధానోపాధ్యాయులు విద్యార్థుల నామినల్‌ రోల్‌ను పరిశీలించి, ధ్రువీకరించిన పత్రాలను నవంబరు 9వ తేదీలోపు సంబంధిత జిల్లా విద్యాధికారి కార్యాలయంలో సమర్పించాలని సంచాలకులు సూచించారు.