వయసు పెరగడం మన చేతుల్లో లేని అంశం కావచ్చు కానీ యవ్వనంగా, ఆరోగ్యంగా కనిపించడమనేది ఖచ్చితంగా మన చేతుల్లో ఉండే అంశం. వాస్తవానికి యవ్వనం అనేది మన జన్యువుల్లో కంటే మనం రోజూ తినే ఆహారంలోనే ఉందని నిపుణులు చెబుతున్నారు. మనం చేసే చిన్న చిన్న ఆహారపు అలవాట్లే మనల్ని వయసు కంటే ముందే ముసలివారిగా మార్చేస్తున్నాయి. చిన్న వయసులోనే ముఖంపై ముడతలు, నీరసంగా, వృద్ధాప్య ఛాయలతో ఉండే చేస్తున్నాయి. వీటన్నింటికీ చెక్‌ పెట్టి యవ్వనంగా ఉండాలంటే మొదట మనం కొన్ని ఆహార పదార్థాలను దూరం పెట్టాలి. అవేమిటో ఇప్పుడు చూద్దాం.
తద్వారా చిన్న వయసులో ముడతలు, నీరసమైన చర్మంతో ఇబ్బంది పడేలా చేస్తున్నాయని డాక్టర్‌ రేష్మ ఏ ఎమ్‌, కన్సల్టెంట్‌ న్యూట్రిషన్‌ అండ్‌ డైట్‌ సైన్స్‌ అంటున్నారు. ఈ సమస్యలను అధిగమించాలంటే త్వరగా ముసలితనం తెప్పించే ఆహారపదార్థాలకు దూరంగా ఉండాలని సూచిస్తున్నారు. అవేంటో ఇప్పుడు తెలుసుకుందాం.
డాక్టర్‌ రేష్మ ఏఎం, కన్సల్టెంట్‌ న్యూట్రిషన్‌ అండ్‌ డైట్‌ సైన్స్‌ చెబుతున్న దాని ప్రకారం.. వయసు పైబడటం లేదా వృద్ధాప్యం అనేది కేవలం జన్యువులపైన మాత్రమే ఆధారపడి ఉండదు. మనం తీసుకునే అహారపు అలవాట్లు, జీవనశైలిపై కూడా ఆధారపడి ఉంటుంది. కొన్ని రకాల ఆహారాలు శరీరంలో ఆక్సీకరణ ఒత్తిడిని, మంటను పెంచడం ద్వారా కణాల వృధ్యాప్య ప్రక్రియను వేగవంతం చేస్తాయి.
ముఖ్యంగా రిఫైన్డ్‌ షుగర్స్‌, వేయించిన ఆహారపదార్థాలు, ప్రాసెస్‌ చేసిన మాసం, ట్రాన్స్‌ఫాట్‌ అధికంగా ఉండే స్నాక్స్‌ వంటివి రెగ్యులర్‌గా తీసుకోవడం వల్ల శరీరంలోని కొల్లాజెన్‌ దెబ్బతింటుంది. దీనివల్ల ముఖంపై ముడతలు పడటం, చర్మం కాంతి విహీనంగా మారడం, చర్మం స్థితిస్థాపకతను కోల్పోవడం వంటి అకాల వృద్ధాప్య లక్షణాలు కనిపిస్తాయి. ముఖ్యంగా చక్కెరను ఎక్కువగా తీసుకోవడం వల్ల గ్లైకేషన్‌ అనే ప్రక్రియ మొదలవుతుంది.