ఆంధ్రప్రదేశ్లో MBA, MCA కోర్సుల్లో ప్రవేశాల కోసం నిర్వహించిన AP ICET-2026 తొలివిడత కౌన్సెలింగ్ షెడ్యూల్ విడుదలైంది. ఐసెట్లో అర్హత సాధించిన అభ్యర్థులు నిర్ణీత తేదీల్లో ఆన్లైన్ ద్వారా రిజిస్ట్రేషన్, సర్టిఫికెట్ల అప్లోడ్, ఫీజు చెల్లింపు ప్రక్రియను పూర్తి చేయాలి. కౌన్సెలింగ్లో భాగంగా సర్టిఫికెట్ల పరిశీలన, వెబ్ ఆప్షన్ల నమోదు, సీట్ల కేటాయింపు తదితర ప్రక్రియలు నిర్వహించనున్నారు..
AP ICET 2026లో అర్హత సాధించిన అభ్యర్థులు ఆగస్టు 24 నుంచి 31 వరకు ఆన్లైన్లో రిజిస్ట్రేషన్ చేసుకోవాలి. ఇదే సమయంలో అవసరమైన సర్టిఫికెట్లను అప్లోడ్ చేసి, నిర్ణీత కౌన్సెలింగ్ ఫీజును చెల్లించాల్సి ఉంటుంది. అభ్యర్థులు తమ విద్యార్హతలు, ఇతర అవసరమైన పత్రాలను ముందుగానే సిద్ధంగా ఉంచుకోవాలని అధికారులు సూచించారు.
అభ్యర్థులు అప్లోడ్ చేసిన సర్టిఫికెట్లను ఆగస్టు 25 నుంచి సెప్టెంబరు 1 వరకు ఆన్లైన్ ద్వారా పరిశీలిస్తారు. ఈ ప్రక్రియలో ఎలాంటి ఇబ్బందులు తలెత్తకుండా అభ్యర్థులు ఒరిజినల్ సర్టిఫికెట్లన్నింటినీ సిద్ధంగా ఉంచుకోవాలి. సర్టిఫికెట్ల పరిశీలన అనంతరం ఆగస్టు 27 నుంచి సెప్టెంబరు 2 వరకు వెబ్ ఆప్షన్లను నమోదు చేసుకునే అవకాశం ఉంటుంది. అభ్యర్థులు తాము చేరాలనుకుంటున్న కాలేజీలు, MBA/MCA కోర్సులను ప్రాధాన్యత క్రమంలో ఎంపిక చేసుకోవాలి. అభ్యర్థులు వెబ్ ఆప్షన్లను నమోదు చేసే సమయంలో తమకు అందుబాటులో ఉన్న కాలేజీలు, కోర్సులు, ప్రాధాన్యతలను జాగ్రత్తగా పరిశీలించి ఆప్షన్లు ఇవ్వడం మంచిది. ఇప్పటికే నమోదు చేసిన వెబ్ ఆప్షన్లలో మార్పులు చేసుకోవడానికి సెప్టెంబరు 3న అవకాశం కల్పించనున్నారు.
అవసరమైతే అభ్యర్థులు తమ ఆప్షన్లను సవరించుకోవచ్చు. తొలివిడత కౌన్సెలింగ్లో భాగంగా సెప్టెంబరు 7న సీట్ల కేటాయింపు ఫలితాలను విడుదల చేయనున్నారు. సీట్లు పొందిన అభ్యర్థులు కేటాయించిన కళాశాలలో ప్రవేశ ప్రక్రియను పూర్తి చేయాలి. సీట్లు పొందిన అభ్యర్థులు సెప్టెంబరు 8 నుంచి 11వ తేదీ మధ్య సంబంధిత కాలేజీల్లో రిపోర్ట్ చేసి ప్రవేశం పొందాలి. నిర్ణీత గడువులోపు కాలేజీలో రిపోర్ట్ చేయకపోతే కేటాయించిన సీటుపై ప్రభావం పడే అవకాశం ఉన్నందున అభ్యర్థులు షెడ్యూల్ను తప్పకుండా పాటించాలి. AP ICET-2026లో అర్హత సాధించిన అభ్యర్థులు కౌన్సెలింగ్కు సంబంధించిన ప్రతి దశను నిర్ణీత గడువులో పూర్తి చేయాలి. ముఖ్యంగా సర్టిఫికెట్ల అప్లోడ్, వెబ్ ఆప్షన్ల నమోదులో తప్పులు లేకుండా జాగ్రత్త వహించాలని అధికారులు సూచిస్తున్నారు.
AP ICET 2026 తొలి విడత కౌన్సెలింగ్ ముఖ్య తేదీలు ఇవే..
- రిజిస్ట్రేషన్, సర్టిఫికెట్ల అప్లోడ్, ఫీజు చెల్లింపు తేదీలు: ఆగస్టు 24 నుంచి 31 వరకు
- సర్టిఫికెట్ల పరిశీలన తేదీలు: ఆగస్టు 25 నుంచి సెప్టెంబరు 1 వరకు
- వెబ్ ఆప్షన్ల నమోదు తేదీలు: ఆగస్టు 27 నుంచి సెప్టెంబరు 2 వరకు
- వెబ్ ఆప్షన్లలో మార్పు తేదీ: సెప్టెంబరు 3
- సీట్ల కేటాయింపు తేదీ: సెప్టెంబరు 7
- కాలేజీల్లో రిపోర్టింగ్ తేదీలు: సెప్టెంబరు 8 నుంచి 11 వరకు
