WhatsApp AI Image Editor: ఈ కొత్త ఫీచర్ వాట్సాప్ డ్రాయింగ్ ఎడిటర్ విభాగంలో అందుబాటులో ఉంటుంది. వినియోగదారు ఈ విభాగంలో ఫోటోను షేర్ చేయడానికి ప్రయత్నించినప్పుడు ఈ ఫీచర్ కనిపిస్తుంది. ఆ విభాగంలో ఫోటోను పెద్దదిగా చేయడం సహా, ఫోటోలను ఎడిట్..

WhatsApp AI Image Editor: మెటా ఎప్పటికప్పుడు వాట్సాప్‌లో కొత్త ఫీచర్లను పరిచయం చేస్తూ వస్తోంది. ఆ క్రమంలో ఇప్పుడు ఐఫోన్ వినియోగదారుల కోసం ఒక అద్భుతమైన ఫీచర్‌ను పరిచయం చేయడానికి కృషి చేస్తోంది . అదేమిటంటే ఐఫోన్ వినియోగదారులు తమ ఫోటోలను సులభంగా ఎడిట్ చేసుకునేందుకు వీలుగా ఏఐ ఇమేజ్ ఎడిట్ ఫీచర్‌ను పరిచయం చేయబోతోంది . ఆ ఫీచర్ ఏమిటి, దాని ప్రత్యేకతలు ఏమిటో ఇప్పుడు వివరంగా చూద్దాం.

వాట్సాప్ కొత్త AI ఇమేజ్ ఎడిటింగ్ ఫీచర్‌ను పరిచయం:

ఫోటోలు తీసే చాలా మందికి ఫోటో బ్యాక్‌గ్రౌండ్ ఇంకాస్త బాగుండాల్సింది అనే ఆలోచన వస్తుంటుంది. అది పెద్ద సమస్యేమీ కాదు. మీరు యాప్‌ల ద్వారా దాన్ని ఎడిట్ చేసి, మీకు నచ్చినట్లుగా బ్యాక్‌గ్రౌండ్‌ను మార్చుకోవచ్చు. కానీ, వాట్సాప్ యాప్ నుండే మీ ఫోటో బ్యాక్‌గ్రౌండ్‌ను మార్చుకునే అవకాశం మీకు ఉంటే ఎలా ఉంటుంది? మెటా ఇప్పుడు వాట్సాప్‌లో అలాంటి ఫీచర్‌ను పరిచయం చేయబోతోంది.

ఈ ఫీచర్ ఎలా పనిచేస్తుంది?

ఈ కొత్త ఫీచర్ వాట్సాప్ డ్రాయింగ్ ఎడిటర్ విభాగంలో అందుబాటులో ఉంటుంది. వినియోగదారు ఈ విభాగంలో ఫోటోను షేర్ చేయడానికి ప్రయత్నించినప్పుడు ఈ ఫీచర్ కనిపిస్తుంది. ఆ విభాగంలో ఫోటోను పెద్దదిగా చేయడం సహా, ఫోటోలను ఎడిట్ చేసే ఫీచర్లను మీరు చూడగలరు. గమనించదగ్గ విషయం ఏమిటంటే మీరు ఏదైనా ఫోటోను ఎంచుకున్న తర్వాత మెటా ఏఐ కొన్ని నిమిషాల్లోనే మీ ఫోటో విస్తరించిన వెర్షన్‌ను మీకు అందిస్తుంది.

By Hemanth