
మహిళల ఆసియా ఛాంపియన్స్ ట్రోఫీ హాకీ టోర్నీలో భారత జట్టు జోరు కొనసాగిస్తోంది. వరుసగా రెండో విజయాన్ని నమోదు చేసింది. శనివారం జరిగిన మ్యాచ్లో దక్షిణ కొరియాను 2-1తో ఓడించింది. ఆరంభం నుంచి ప్రత్యర్థికి గట్టి పోటీనిచ్చిన భారత జట్టు కీలక సమయాల్లో గోల్స్ సాధించి విజయాన్ని సొంతం చేసుకుంది.
మ్యాచ్ రెండో క్వార్టర్ చివరి నిమిషంలో ముంతాజ్ ఖాన్ (30వ నిమిషం) ఫీల్డ్ గోల్తో భారత్కు తొలి ఆధిక్యాన్ని అందించింది. ఆ తర్వాత నాలుగో క్వార్టర్ ప్రారంభంలోనే సునెలితా టోపో (34వ నిమిషం) పెనాల్టీ కార్నర్ను గోల్గా మలిచి భారత్ ఆధిక్యాన్ని 2-0కు పెంచింది.
మ్యాచ్ ముగియడానికి నాలుగు నిమిషాల ముందు యంగ్యూన్ హంగ్ (56వ నిమిషం) గోల్ చేసి దక్షిణ కొరియాకు ఆశలు కల్పించింది. అయితే చివరి నిమిషాల్లో భారత డిఫెన్స్ సమర్థంగా అడ్డుకోవడంతో కొరియాకు మరో గోల్ చేసే అవకాశం దక్కలేదు. దీంతో భారత్ 2-1తో విజయాన్ని ఖాయం చేసుకుంది.
వరుసగా రెండు విజయాలతో మంచి ఊపుమీదున్న భారత జట్టు తదుపరి మ్యాచ్లో ఆదివారం థాయ్లాండ్తో తలపడనుంది.
