
ఆంధ్రప్రదేశ్లో జడ్పీటీసీ, ఎంపీటీసీ ఎన్నికలకు సంబంధించి రీపోలింగ్ అంశంపై హైకోర్టు కీలక స్పష్టత ఇచ్చింది. తిరుపతి రూరల్, చంద్రగిరి, పాకాల మండలాల పరిధిలోని కొన్ని వార్డుల్లో మళ్లీ పోలింగ్ నిర్వహించేలా రాష్ట్ర ఎన్నికల సంఘాన్ని (SEC) ఆదేశించలేమని స్పష్టం చేసింది.
ఈ అంశంపై దాఖలైన పిటిషన్ను విచారించిన హైకోర్టు.. ఆయా వార్డుల్లో రీపోలింగ్ నిర్వహించాలని ఎన్నికల సంఘాన్ని ఆదేశించే పరిస్థితి లేదని పేర్కొంది. ఈ మేరకు చెవిరెడ్డి హర్షిత్రెడ్డికి న్యాయస్థానం స్పష్టత ఇచ్చింది.
జడ్పీటీసీ, ఎంపీటీసీ ఎన్నికల నేపథ్యంలో రీపోలింగ్ అంశం రాజకీయంగా ప్రాధాన్యం సంతరించుకుంది. హైకోర్టు తాజా స్పష్టీకరణతో తిరుపతి రూరల్, చంద్రగిరి, పాకాల మండలాల పరిధిలోని సంబంధిత వార్డుల్లో మళ్లీ పోలింగ్ నిర్వహణపై నెలకొన్న ఉత్కంఠకు తెరపడినట్లయింది.
