నేటి ఫ్యాషన్ ప్రపంచంలో నోరా ఫతేహి అంటే కేవలం గ్లామర్ మాత్రమే కాదు.. సంప్రదాయాన్ని ఆధునికతతో ఎలా మేళవించాలో తెలిసిన కళాకారిణి. ఇటీవల రా మ్యాంగో బ్రాండ్కు చెందిన పర్పుల్ శాటిన్ సిల్క్ చీరలో కనిపించి అందరినీ ఆకట్టుకుంది. ఆడంబరాల కంటే నాణ్యతకు, చేనేత నైపుణ్యానికి, పర్ఫెక్ట్ జ్యువెల్లరీ ఎంపికకు ఆమె ఎంత ప్రాధాన్యత ఇస్తుందో తెలుస్తోంది. అతిగా మెరిసిపోవాలని ప్రయత్నించకుండా హుందాగా, సైలెంట్గా తన ఉనికిని చాటుకోవడమే నోరా స్టైల్. సంప్రదాయ వారసత్వాన్ని గౌరవిస్తూనే పవర్ఫుల్ ఫ్యాషన్ స్టేట్మెంట్ ఎలా ఇవ్వాలో నోరా ఫతేహికి బాగా తెలుసు.
ఇటీవల కాలంలో తరచూ వార్తల్లో నిలిచే నోరా ఫతేహి (Nora Fatehi).. తాజాగా ఊదా రంగు శారీలో ఉన్న ఫోటోలు సోషల్ మీడియాలో ముఖ్యంగా తెగ వైరల్ అవుతున్నాయి. తరచూ ట్రెండీ దుస్తుల్లో కనిపించే నోరా ఫతేహి.. నిండుగా బెనారస్ చీరలో దర్శనమిచ్చి అందరినీ ఆశ్చర్యపరిచింది. బాలీవుడ్లో ఏ ఈవెంట్ జరిగినా కళ్లు చెదిరే అవుట్ ఫిట్ ధరించి అందరి చూపులు తనపైనే ఉండేలా చూసుకుంటుది నోరా ఫతేహి. తమ డ్రెస్ల డిజైన్ విభిన్నంగా, ట్రెండీగా ఉండాలనే తాపత్రయంతో రకరకాల కాస్ట్యూమ్స్ ధరిస్తూ ఉంటుంది.
తాజాగా ఊదా రంగు శారీలో కనిపించి మరోసారి తన ప్రత్యేకతను చాటుకుంది. ఎంత పాతకాలపు దుస్తులైనా ఆమె ధరిస్తే చాలా ట్రెండీ కనిపిస్తాయి. గత కొన్నేళ్లుగా ఆమె చీరకట్టు స్టైల్ మారుతూ వస్తోంది. కేవలం ఆడంబరాలకే ప్రాధాన్యత ఇవ్వకుండా అద్భుతమైన పనితనం, తో ఒక పరిణితి చెందిన మహిళగా కనబడుతుంది. ఈమె ఎప్పుడూ ధగధగ మెరిసిపోయే వస్త్రాలను ఎంచుకోకపోవడమే ఆమె ప్రత్యేకత
