ప్రపంచం సమానత్వం వైపు అడుగులు వేస్తున్న తరుణంలో కొంత మంది Gen Z యువత ఆలోచనా ధోరణి ఇంకా పాతకాలపు విధానాలనే అనుసరిస్తోంది. భర్తకు భార్య విధేయురాలిగా ఉండాలి అంటూ ఓ వర్గం యువత పాత తరం కంటే ఎక్కువ సంప్రదాయబద్ధంగా ఆలోచిస్తున్నారు. కెరీర్లో రాణించే, తమతోపాటు సమానంగా సంపాదించే భార్య ఉండాలి కానీ ఇంట్లో మాత్రం విధేయురాలిగా ఉండాలని కోరుకుంటున్నారట. సమాజం ఎమనుకుంటుందో అనే మగసిరి కట్టుబాట్ల వల్ల అవాస్తవ ఒత్తిడికి లోనవుతున్నారట.
నేటి ఆధునిక కాలంలోనూ Gen Z యువత సైతం కొన్ని పాత ఆలోచనలతోనే ముందుకు సాగుతున్నట్లు ఇటీవల ఓ అధ్యయనం వెల్లడించింది. ప్రపంచవ్యాప్తంగా ప్రతి ముగ్గురు యువకుల్లో ఒకరు ‘భార్య ఎప్పుడూ భర్తకు విధేయురాలిగా ఉండాలి’ అని నమ్ముతున్నారట. భారతదేశంతో సహా సమారు 29 దేశాల్లో జరిగిన ఈ అధ్యయనంలో అనేక సంచలన విషయాలు వెల్లడయ్యాయి. ప్రకారం ప్రపంచం మొత్తం సమానత్వం దిశగా పరుగులు తీస్తున్న 2026లోనూ లింగ వివక్ష నీడలు ఉండటం ఆశ్చర్యకరమైన విషయం. ఈ క్రమంలో Gen Z ఎందుకు పాతకాలపు ఆలోచనా ధోరణిని అనుసరిస్తుందో తెలుసుకుందాం.
ఈ అధ్యయనం ప్రకారం Gen Z యువకుల్లో ప్రతి ముగ్గురిలో ఒకరు అంటే సుమారు 31 శాతం మంది భార్య ఎల్లప్పుడూ భర్తకు విధేయురాలిగా ఉండాలనే అభిప్రాయంతో ఏకీభవిస్తున్నారట. అసలైన పాతకాలపు పద్ధతులను చూసిన తరం కంటే నేటి Gen Z యువకులే తమ భాగస్వామి విధేయురాలిగా ఉండాలని కోరుకుంటున్నారు.
