D Spiritual: Nov 21: తిరుమల: కలియుగ ప్రత్యక్ష దైవం శ్రీ వేంకటేశ్వర స్వామివారి దర్శనం కోసం తిరుమలకు భక్తుల రాక కొనసాగుతోంది. శనివారం ఉదయం సమయానికి వైకుంఠం క్యూ కాంప్లెక్స్‌లోని 6 కంపార్ట్‌మెంట్లలో భక్తులు స్వామివారి సర్వదర్శనం కోసం వేచి ఉన్నారు.

ఎలాంటి దర్శన టోకెన్లు లేని భక్తులకు శ్రీవారి సర్వదర్శనం పూర్తయ్యేందుకు సుమారు 4 గంటల సమయం పడుతుందని తిరుమల తిరుపతి దేవస్థానం (టీటీడీ) అధికారులు వెల్లడించారు.

ఇదిలా ఉండగా, శుక్రవారం ఒక్కరోజే 56,695 మంది భక్తులు శ్రీవారిని దర్శించుకుని మొక్కులు చెల్లించుకున్నారు. వీరిలో 24,786 మంది భక్తులు తలనీలాలు సమర్పించుకున్నారు.

మరోవైపు, భక్తులు సమర్పించిన కానుకల ద్వారా శుక్రవారం శ్రీవారి హుండీకి రూ.4.28 కోట్ల ఆదాయం సమకూరినట్లు టీటీడీ అధికారులు ప్రకటించారు.

Leave a Reply

Your email address will not be published. Required fields are marked *