IRCTC Kerala Tour Package Telugu: హైదరాబాద్ నుంచి కేరళను చుట్టి రావాలనుకునే వారికి IRCTC ప్రత్యేక టూర్ ప్యాకేజీని అందిస్తోంది. 7 రోజుల ఈ Cultural Keralam టూర్‌లో కొచ్చి, గురువాయూర్, మున్నార్, థెక్కడి, కుమారకోమ్, వర్కల, తిరువనంతపురం సందర్శించవచ్చు. విమాన ప్రయాణంతో పాటు హౌస్‌బోట్ బస, భోజనం, హోటల్ వసతి, స్థానిక సందర్శనలు ఈ ప్యాకేజీలో ఉన్నాయి. 2026 డిసెంబర్ 6న ప్రారంభమయ్యే ఈ టూర్ ధరలు రూ.43,100 నుంచి ప్రారంభమవుతున్నాయి.

IRCTC Kerala Tour Package Telugu: కేరళలోని ప్రసిద్ధ పర్యాటక, ఆధ్యాత్మిక ప్రదేశాలను ఒకే టూర్‌లో సందర్శించాలనుకునే వారికి ఈ IRCTC “Cultural Keralam” ప్యాకేజీ మంచి ఎంపిక అని చెప్పవచ్చు. హైదరాబాద్ నుంచి విమాన ప్రయాణంతో ప్రారంభమయ్యే ఈ 7 రోజుల టూర్‌లో కొచ్చి, గురువాయూర్, మున్నార్, థెక్కడి, కుమారకోమ్, వర్కల, తిరువనంతపురం వంటి ప్రాంతాలను సందర్శించవచ్చు.

కేరళ టూర్ ప్యాకేజీ వివరాలు

  • ప్యాకేజీ కోడ్: SHA35
  • ప్రయాణ తేదీ: 6 డిసెంబర్ 2026
  • ప్రయాణ విధానం: విమానం
  • ప్రారంభ స్థానం: హైదరాబాద్ విమానాశ్రయం
  • క్లాస్: కంఫర్ట్
  • టూర్ వ్యవధి: 6 రాత్రులు, 7 రోజులు
  • గ్రూప్ సైజ్: 29 మంది
  1. డిసెంబర్ 6న ఉదయం 9:40 గంటలకు హైదరాబాద్ నుంచి 6E 6707 విమానంలో బయలుదేరి 11:20 గంటలకు కొచ్చి చేరుకుంటారు. అక్కడి నుంచి హోటల్‌కు వెళ్లి డచ్ ప్యాలెస్, మెరైన్ డ్రైవ్ సందర్శిస్తారు.
  2. రెండో రోజు కొచ్చి నుంచి గురువాయూర్‌కు వెళ్లి ప్రసిద్ధ గురువాయూర్ ఆలయాన్ని దర్శించుకుంటారు. అనంతరం మున్నార్‌కు ప్రయాణం ఉంటుంది.
  3. మూడో రోజు మున్నార్‌లోని స్థానిక పర్యాటక ప్రాంతాలను సందర్శిస్తారు. ప్రకృతి అందాలు, టీ తోటలు, కొండ ప్రాంతాల వాతావరణం ఈ ప్రయాణంలో ప్రత్యేక ఆకర్షణగా నిలుస్తాయి.
  4. నాలుగో రోజు మున్నార్ నుంచి థెక్కడికి బయలుదేరి స్పైస్ ప్లాంటేషన్లను సందర్శిస్తారు.
  5. ఐదో రోజు కుమారకోమ్‌కు చేరుకుని హౌస్‌బోట్‌లో బస చేస్తారు. బ్యాక్‌వాటర్స్‌లో పడవ ప్రయాణంతో పాటు లంచ్, డిన్నర్ కూడా ప్యాకేజీలో ఉంటాయి.
  6. ఆరవ రోజు కుమారకోమ్ నుంచి వర్కల చేరుకుని బీచ్‌ను సందర్శిస్తారు. అనంతరం తిరువనంతపురానికి వెళ్లి హోటల్‌లో బస చేస్తారు. చివరి రోజు ఉదయం శ్రీ పద్మనాభస్వామి ఆలయాన్ని దర్శించుకుని, అనంతరం అజిమల శివాలయాన్ని సందర్శిస్తారు. మధ్యాహ్నం 3 గంటలకు తిరువనంతపురం విమానాశ్రయానికి చేరుకుని 5:20 గంటలకు విమానంలో హైదరాబాద్ బయలుదేరి సాయంత్రం 7:05 గంటలకు చేరుకుంటారు.

ప్యాకేజీ ధరలు

  • ఒక్కరికి సింగిల్ ఆక్యుపెన్సీ రూ.62,900
  • డబుల్ ఆక్యుపెన్సీ రూ.45,900
  • ట్రిపుల్ ఆక్యుపెన్సీ రూ.43,100
  • 5–11 ఏళ్ల పిల్లలకు బెడ్‌తో రూ.36,850
  • బెడ్ లేకుండా రూ.32,400
  • 2–4 ఏళ్ల పిల్లలకు బెడ్ లేకుండా రూ.22,250 చెల్లించాలి.

ప్యాకేజీలో విమాన టికెట్లు, హోటల్/హౌస్‌బోట్ వసతి, 6 బ్రేక్‌ఫాస్ట్‌లు, 6 డిన్నర్లు, 2 లంచ్‌లు, ఏసీ బస్ ద్వారా స్థానిక సందర్శనలు, ట్రావెల్ ఇన్సూరెన్స్, టూర్ ఎస్కార్ట్ సేవలు, వర్తించే పన్నులు ఉన్నాయి. అయితే ఆలయాలు, పర్యాటక ప్రాంతాల ప్రవేశ రుసుములు, దర్శన టికెట్లు, వ్యక్తిగత ఖర్చులు, టూర్ గైడ్ సేవలు, విమానంలో భోజనం, అదనపు ఆహారం వంటివి ప్యాకేజీలో ఉండవు.

గమనిక: విమాన సమయాలు, ప్రయాణ ప్రణాళిక స్థానిక పరిస్థితులు లేదా ఆపరేషనల్ కారణాల వల్ల మారవచ్చు

By Hemanth