మాజీ ఎంపీ విజయసాయిరెడ్డి స్థాపించిన పరివర్తన రాజనీతి పార్టీ (PRP) పేరు ఇప్పుడు చర్చనీయాంశంగా మారింది. ఇప్పటికే ఢిల్లీలో ఇదే పేరుతో మరో రాజకీయ పార్టీ ఉందనే ప్రచారం సోషల్ మీడియాలో జరుగుతోంది. దీంతో విజయసాయిరెడ్డి పార్టీకి కేంద్ర ఎన్నికల సంఘం గుర్తింపు లభిస్తుందా లేదా అనే సందేహాలు వ్యక్తమవుతున్నాయి.

ఈ చర్చలపై పరివర్తన రాజనీతి పార్టీ ఎక్స్ (ట్విట్టర్) వేదికగా స్పందించింది. ఢిల్లీలో తమ పార్టీ పేరుతో మరో పార్టీ ఉందని, అందువల్ల అనుమతి రాకపోవచ్చనే ప్రచారం జరుగుతోందని పేర్కొంది. అయితే ఈ విషయంలో ఎవరూ ఆందోళన చెందాల్సిన అవసరం లేదని, ఇప్పటికే సంబంధిత అంశంపై సంప్రదింపులు జరుపుతున్నట్లు వెల్లడించింది.

ఇటీవల విజయసాయిరెడ్డి పరివర్తన రాజనీతి పార్టీ పేరుతో కొత్త రాజకీయ పార్టీని ప్రకటించారు. తెలుపు, కాషాయ రంగులతో మధ్యలో ధర్మచక్రం ఉండేలా పార్టీ జెండాను రూపొందించారు. వారసత్వ రాజకీయాలకు స్వస్తి పలికి, యువతలోని సమర్థ నాయకత్వాన్ని ప్రోత్సహించడమే తమ లక్ష్యమని ఆయన ప్రకటించారు.

ఈ నేపథ్యంలో పార్టీ పేరుపై మొదలైన చర్చకు PRP ఇచ్చిన స్పందన ఆసక్తికరంగా మారింది.

By Ramya

Leave a Reply

Your email address will not be published. Required fields are marked *