
D news;nov:14చలికాలం ప్రారంభమైందంటే చాలామందిలో నీరు తాగే అలవాటు తగ్గిపోతుంది. వేసవిలో ఎండ తీవ్రత, అధిక దాహం కారణంగా తరచూ నీటిని తీసుకునే వారు.. శీతాకాలంలో మాత్రం చల్లని వాతావరణం వల్ల దాహం తక్కువగా అనిపించడంతో నీరు తాగడాన్ని నిర్లక్ష్యం చేస్తుంటారు. అయితే కాలంతో సంబంధం లేకుండా శరీరానికి ప్రతిరోజూ తగినంత నీరు అవసరమని వైద్య నిపుణులు సూచిస్తున్నారు.
మన శరీరం శ్వాస తీసుకోవడం, మూత్ర విసర్జన, చెమట పట్టడం వంటి సహజ ప్రక్రియల ద్వారా నిరంతరం నీటిని కోల్పోతుంటుంది. చలికాలంలో దాహం తక్కువగా అనిపించినంత మాత్రాన శరీరానికి నీటి అవసరం తగ్గినట్లు కాదని నిపుణులు చెబుతున్నారు. తగినంత నీరు తీసుకోకపోతే డీహైడ్రేషన్కు గురయ్యే అవకాశం ఉంటుంది. అందుకే దాహం వేసినప్పుడే నీరు తాగడం కాకుండా.. రోజంతా నిర్ణీత విరామాల్లో తగినంత నీటిని తీసుకోవడం అలవాటు చేసుకోవాలని వైద్యులు సూచిస్తున్నారు.
చలికాలంలో దాహం తక్కువగా వేయడంతో చాలామంది నీరు తాగడాన్ని తగ్గిస్తుంటారు. అయితే దీనివల్ల శరీరంలో డీహైడ్రేషన్ సమస్య తలెత్తే ప్రమాదం ఉంది. చర్మం పొడిబారడం, పెదవులు పగలడం, అలసట, నీరసం, మలబద్ధకం వంటి లక్షణాలు కనిపిస్తే అప్రమత్తంగా ఉండాలి. శరీరానికి సరిపడా నీరు అందకపోతే జీర్ణక్రియతో పాటు పలు శారీరక విధులపై ప్రతికూల ప్రభావం పడుతుంది.
డీహైడ్రేషన్ బారిన పడకుండా ఉండాలంటే రోజంతా క్రమం తప్పకుండా కొద్దికొద్దిగా నీరు తాగడం మంచిది. ఒకేసారి ఎక్కువ మొత్తంలో నీటిని తాగడం కంటే విరామాల మధ్య తగినంత నీరు తీసుకోవాలని నిపుణులు సూచిస్తున్నారు. సాధారణ నీటితో పాటు సూప్లు, పండ్లు, ఇతర ఆరోగ్యకరమైన ద్రవ పదార్థాలను ఆహారంలో భాగం చేసుకోవాలి.
వ్యక్తి వయస్సు, శారీరక శ్రమ, ఆరోగ్య పరిస్థితులు, వాతావరణాన్ని బట్టి శరీరానికి అవసరమయ్యే నీటి పరిమాణం మారుతుంది. కాబట్టి చలికాలంలో దాహం వేయడం లేదని నీరు తాగడాన్ని నిర్లక్ష్యం చేయకూడదు. తగినంత ద్రవాలు తీసుకుంటూ శరీరాన్ని హైడ్రేటెడ్గా ఉంచుకోవడం ద్వారా ఆరోగ్య సమస్యలకు దూరంగా ఉండవచ్చు.
