ముఖంపై పిగ్మంటేషన్, నల్లటి మచ్చలు వేధిస్తున్నాయా? వంటింట్లో సులభంగా లభించే ఈ పదార్థాన్ని సరైన విధంగా ఉపయోగిస్తే చర్మానికి సహజమైన కాంతి అందించడంలో సహాయపడుతుందని చెబుతారు. అయితే ప్రతి ఒక్కరి చర్మతత్వం భిన్నంగా ఉండటంతో, ఏ ఇంటి చిట్కా అయినా ముందుగా చిన్న ప్రాంతంలో పరీక్షించడం మంచిది.
అందమైన ముఖంపై నల్లటి మచ్చలు లేదా పిగ్మంటేషన్ రావడం చాలామందిని వేధించే ప్రధాన సమస్య. చర్మంలో మెలనిన్ ఉత్పత్తి పరిమితికి మించి పెరిగినప్పుడు బుగ్గలు, నుదురు, ముక్కుపై ఈ నల్లటి మచ్చలు ఏర్పడతాయి. మార్కెట్లో లభించే ఖరీదైన క్రీములు వాడినా కొందరికి ఫలితం ఉండదు. అయితే, మన వంటింట్లో ఎప్పుడూ అందుబాటులో ఉండే బంగాళాదుంపతో ఈ సమస్యకు చాలా సులభంగా, సహజ సిద్ధంగా గుడ్బై చెప్పవచ్చునని మీకు తెలుసా..? అది ఎలాగో ఇప్పుడు చూద్దాం..
ముఖంపై నల్లటి మచ్చలు కనిపిస్తుంటే, అది పిగ్మెంటేషన్ సమస్య కావొచ్చు. చర్మంలో మెలనిన్ అధికంగా ఉత్పత్తి కావడం వల్ల ఏర్పడే ఈ మచ్చలు ముఖ కాంతిని తగ్గిస్తాయి. ముఖ్యంగా చెంపలు, నుదురు వంటి ప్రాంతాల్లో ఇవి ఎక్కువగా కనిపిస్తాయని నిపుణులు చెబుతున్నారు. ప్రస్తుతం చాలామంది ఎదుర్కొంటున్న సాధారణ చర్మ సమస్యల్లో పిగ్మెంటేషన్ కూడా ఒకటి.
ఈ నల్లటి మచ్చలను తగ్గించేందుకు బంగాళాదుంపతో పాటు కొన్ని ఇంటి చిట్కాలను కూడా ఉపయోగిస్తుంటారు. అయితే ఇవి ప్రతి ఒక్కరిలో ఒకే విధంగా పనిచేస్తాయని చెప్పలేం. మరి పిగ్మెంటేషన్పై బంగాళాదుంప ఎలా పనిచేస్తుంది? దాన్ని చర్మానికి ఎలా ఉపయోగించాలి? తెలుసుకోవాలంటే పూర్తి వివరాల్లోకి వెళ్లాల్సిందే..
బంగాళాదుంపలోని సహజసిద్ధమైన సమ్మేళనాలు, విటమిన్లు, ఖనిజాలు, ఎంజైమ్లు చర్మ సంరక్షణలో ఉపయోగపడతాయని చెబుతారు. ఇవి చర్మంపై కనిపించే నల్లటి మచ్చలు, అసమాన చర్మవర్ణం తీవ్రతను తగ్గించి చర్మానికి కాంతిని అందించడంలో సహాయపడవచ్చు.
ఈ చిట్కా కోసం ఒక బంగాళాదుంపను మెత్తగా తురిమి, దాని నుంచి రసాన్ని వేరు చేసుకోవాలి. అనంతరం దూదిని బంగాళాదుంప రసంలో ముంచి, నల్లటి మచ్చలు ఉన్న ప్రాంతాల్లో సున్నితంగా అప్లై చేయాలి. 15–20 నిమిషాల తర్వాత ముఖాన్ని స్వచ్ఛమైన నీటితో కడుక్కోవాలి. వారానికి 2–3 సార్లు ఈ విధంగా ప్రయత్నించవచ్చు.
అయితే ప్రతి ఒక్కరి చర్మం ఒకేలా స్పందించదు. కాబట్టి ముందుగా చేతి మీద చిన్న ప్రాంతంలో ప్యాచ్ టెస్ట్ చేసి, ఎలాంటి మంట లేదా దురద లేకపోతేనే ముఖానికి ఉపయోగించడం మంచిది.
బంగాళాదుంప + నిమ్మరసం ప్యాక్
ముఖంపై నల్లటి మచ్చలు ఎక్కువగా ఉన్నప్పుడు బంగాళాదుంప రసం, నిమ్మరసాన్ని సమపాళ్లలో కలిపి ప్యాక్లా ఉపయోగించవచ్చు. ఈ మిశ్రమాన్ని ముఖానికి పలుచగా అప్లై చేసి సుమారు 10–15 నిమిషాల తర్వాత నీటితో శుభ్రంగా కడుక్కోవాలి. నిమ్మరసంలో ఉండే విటమిన్ C చర్మాన్ని కాంతివంతంగా కనిపించేలా చేయడంలో సహాయపడుతుంది. అయితే నిమ్మరసం కొందరికి చర్మంపై మంట లేదా ఇర్రిటేషన్ కలిగించవచ్చు కాబట్టి ముందుగా చిన్న భాగంలో ప్యాచ్ టెస్ట్ చేయడం మంచిది.
