కోలీవుడ్ స్టార్ హీరో సూర్య వరుస విజయాలతో తన ఫ్లాప్ లెక్కలను దాదాపుగా సరిచేసుకున్నాడు. ‘కరుప్పు’, ‘విశ్వనాథ్ అండ్ సన్స్’ వంటి సినిమాలతో బ్యాక్ టు బ్యాక్ హిట్స్ అందుకున్న సూర్య.. ఇప్పుడు సక్సెస్ ట్రాక్ను కొనసాగించే పనిలో ఉన్నాడు. మరోవైపు అతడి తమ్ముడు కార్తీ మాత్రం ప్రస్తుతం ఓ హిట్ కోసం ఎదురుచూస్తున్నాడు.
ఈ అన్నదమ్ముల కెరీర్ను గమనిస్తే.. ఒకరి సినిమా ఫ్లాప్ అయితే మరొకరు హిట్తో బ్యాలెన్స్ చేస్తున్నట్లుగా కనిపిస్తోంది. సూర్య ఫామ్లో లేనప్పుడు కార్తీ సక్సెస్ అందుకోవడం.. కార్తీకి సరైన ఫలితం రానప్పుడు సూర్య హిట్ కొట్టడం కొంతకాలంగా ఆసక్తికరంగా మారింది. ఈ ఏడాది కార్తీ ‘వా వాతియార్’తో నిరాశపర్చగా.. సూర్య మాత్రం ‘కరుప్పు’, ‘విశ్వనాథ్ అండ్ సన్స్’తో వరుస విజయాలు అందుకున్నాడు.
ఇప్పుడు మళ్లీ కార్తీ వంతు వచ్చింది. ‘వా వాతియార్’ ఫలితాన్ని మర్చిపోయేలా వినాయక చవితి సందర్భంగా ‘సర్దార్ 2’తో బాక్సాఫీస్ వద్ద సత్తా చాటాలని చూస్తున్నాడు.
సెప్టెంబర్ 10న ‘సర్దార్ 2’
పీఎస్ మిత్రన్ దర్శకత్వంలో తెరకెక్కుతున్న ‘సర్దార్ 2’ సెప్టెంబర్ 10న ప్రేక్షకుల ముందుకు రానుంది. ఈ సినిమాలో మాళవిక మోహనన్, ఆషికా రంగనాథ్, రజీషా విజయన్ కీలక పాత్రల్లో నటిస్తున్నారు. ఇటీవల విడుదలైన ట్రైలర్ సినిమాపై అంచనాలను పెంచడంతో పాటు కథపై ఆసక్తిని కూడా కలిగిస్తోంది.
‘సర్దార్ 2’లో కార్తీ డ్యూయల్ షేడ్స్లో కనిపించనున్నట్లు తెలుస్తోంది. రెండు వేర్వేరు టైమ్లైన్స్లో కథ సాగుతుందని సమాచారం. ఫ్లాష్బ్యాక్ ఎపిసోడ్స్తో పాటు భవిష్యత్తు కథను కూడా దర్శకుడు పీఎస్ మిత్రన్ ఆసక్తికరంగా ముడిపెట్టినట్లు తెలుస్తోంది.
నెగెటివ్ రోల్లో ఎస్జే సూర్య
ఈ సినిమాలో ఎస్జే సూర్య కీలకమైన నెగెటివ్ పాత్రలో కనిపించనున్నాడు. కార్తీ, ఎస్జే సూర్య కాంబినేషన్ కూడా సినిమాకు ప్రత్యేక ఆకర్షణగా మారింది. యాక్షన్, థ్రిల్లర్ అంశాలతో రూపొందిన ఈ చిత్రంపై కోలీవుడ్లో మంచి అంచనాలు ఉన్నాయి.
సినిమాకు పాజిటివ్ టాక్ వస్తే బాక్సాఫీస్ వద్ద భారీ వసూళ్లు సాధించే అవకాశం ఉందని ట్రేడ్ వర్గాలు భావిస్తున్నాయి. ‘సర్దార్’కు కొనసాగింపుగా వస్తున్న ఈ సీక్వెల్తో కార్తీ మళ్లీ సక్సెస్ ట్రాక్లోకి వస్తాడా? ‘వా వాతియార్’ ఫ్లాప్కు గట్టి సమాధానం ఇస్తాడా? అన్నది సెప్టెంబర్ 10న తేలిపోనుంది.