ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఢిల్లీ పర్యటనలో భాగంగా కేంద్ర ఆర్థిక శాఖ మంత్రి నిర్మలా సీతారామన్‌తో సమావేశమయ్యారు. మంగళవారం కేంద్ర మంత్రిని మర్యాదపూర్వకంగా కలిసిన సీఎం.. రాష్ట్రానికి సంబంధించిన పలు కీలక అంశాలపై చర్చించారు. ముఖ్యంగా రాయలసీమ హార్టికల్చర్ హబ్ ప్రాజెక్టు, తుపాన్ల వల్ల జరిగిన నష్టం రాష్ట్రానికి కేంద్ర ఆర్థిక సాయం వంటి అంశాలను ఆమె దృష్టికి తీసుకెళ్లారు.

ఈ భేటీలో రాయలసీమ హార్టికల్చర్ హబ్ ప్రాజెక్టుకు సంబంధించిన ప్రతిపాదనల అమలుపై చంద్రబాబు చర్చించారు. ఇప్పటికే సిద్ధం చేసిన ప్రణాళికలను కార్యరూపంలోకి తీసుకురావడానికి కేంద్రం సహకరించాలని కోరారు. ఈ ప్రాజెక్టు ద్వారా రాయలసీమ ప్రాంతంలో ఉద్యానవన రంగాన్ని మరింత అభివృద్ధి చేసే అవకాశాలపై వివరించినట్లు తెలుస్తోంది.

తుపాన్ల నష్టంపై కేంద్ర మంత్రికి వివరాలు

మరోవైపు ఏపీలో వరుసగా సంభవించిన తుపాన్లు, ఎల్‌నినో పరిస్థితుల కారణంగా ఎదురైన నష్టాలను కూడా సీఎం చంద్రబాబు ప్రస్తావించారు. అర్నబ్ మురసు తుపాన్ల వల్ల జరిగిన నష్టానికి సంబంధించిన వివరాలను ఇప్పటికే కేంద్ర ప్రభుత్వానికి పంపించినట్లు తెలిపారు. ఎల్‌నినో ప్రభావంతో రాష్ట్రంలో తలెత్తిన సమస్యలను కూడా నిర్మలా సీతారామన్‌కు వివరించారు.

తుపాన్ల ప్రభావంతో నష్టపోయిన రాష్ట్రానికి అవసరమైన ఆర్థిక సహాయం అందించాలని కేంద్ర ఆర్థిక మంత్రిని చంద్రబాబు కోరారు. రాష్ట్ర పునరుద్ధరణ ప్రభావిత ప్రాంతాలకు సహాయం అందించే విషయంలో కేంద్రం మద్దతు ఇవ్వాలని విజ్ఞప్తి చేశారు.

రాత్రికి అమరావతికి తిరుగు ప్రయాణం

కేంద్ర ఆర్థిక మంత్రితో సమావేశం అనంతరం సీఎం చంద్రబాబు ఢిల్లీలో జరిగే మరో కార్యక్రమానికి హాజరుకానున్నారు. ప్రముఖ న్యాయవాది సిద్ధార్థ్ లూథ్రా నివాసంలో నిర్వహించే శుభకార్యానికి ఆయన వెళ్లనున్నారు. కార్యక్రమం ముగిసిన అనంతరం మంగళవారం రాత్రికి అమరావతికి తిరుగు ప్రయాణం కానున్నారు.

By Rajini

Leave a Reply

Your email address will not be published. Required fields are marked *