నంద్యాల జిల్లా బనగానపల్లెలో రాజకీయాలు ఒక్కసారిగా వేడెక్కాయి. ఏపీ మంత్రి బీసీ జనార్దన్ రెడ్డి సతీమణి ఇందిరా రెడ్డి ప్రత్యక్ష రాజకీయాల్లోకి అడుగుపెట్టారు. బనగానపల్లె మేజర్ గ్రామ పంచాయతీ సర్పంచ్ పదవికి ఆమె తాజాగా నామినేషన్ దాఖలు చేశారు.

రాష్ట్ర మంత్రిగా ఉన్న బీసీ జనార్దన్ రెడ్డి భార్య స్వయంగా స్థానిక సంస్థల ఎన్నికల బరిలో నిలవడంతో బనగానపల్లె పంచాయతీ ఎన్నికలు రాజకీయంగా ప్రాధాన్యత సంతరించుకున్నాయి. ఆమె పోటీ చేయడం స్థానిక రాజకీయ వర్గాల్లో ఆసక్తికర చర్చకు దారితీసింది.

ఈ సందర్భంగా ఇందిరా రెడ్డి మాట్లాడుతూ.. బనగానపల్లెలో పెరుగుతున్న జనాభాకు అనుగుణంగా ప్రజలకు అవసరమైన మౌలిక సదుపాయాలు కల్పించడంపై ప్రత్యేక దృష్టి సారిస్తానని తెలిపారు. ప్రజల అవసరాలను గుర్తించి అభివృద్ధి కార్యక్రమాలకు ప్రాధాన్యత ఇస్తానని పేర్కొన్నారు.

నంద్యాల జిల్లా బనగానపల్లెలో రాజకీయ వేడి మరింత పెరిగింది. ఏపీ మంత్రి బీసీ జనార్దన్ రెడ్డి సతీమణి బీసీ ఇందిరమ్మ (ఇందిరా రెడ్డి) ప్రత్యక్ష రాజకీయాల్లోకి అడుగుపెట్టారు. బనగానపల్లె మేజర్ గ్రామ పంచాయతీ సర్పంచ్ పదవికి ఆమె అధికారికంగా నామినేషన్ దాఖలు చేశారు. మంత్రి భార్య స్వయంగా స్థానిక సంస్థల ఎన్నికల బరిలో నిలవడంతో ఈ పంచాయతీ ఎన్నికలు రాజకీయంగా ప్రాధాన్యత సంతరించుకున్నాయి.

బనగానపల్లె ఎంపీడీవో కార్యాలయానికి నాయకులు, కార్యకర్తలు భారీగా తరలిరావడంతో సందడి నెలకొంది. వారి మధ్య కార్యాలయానికి చేరుకున్న ఇందిరా రెడ్డి.. ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఆమె ఎన్నికల బరిలోకి దిగడంతో స్థానిక ప్రజల్లో, కూటమి శ్రేణుల్లో కొత్త ఉత్సాహం కనిపించింది.

సాధారణంగా గ్రామ పంచాయతీ ఎన్నికలు స్థానిక రాజకీయాలకే పరిమితమవుతుంటాయి. అయితే నియోజకవర్గ ఎమ్మెల్యేగా, రాష్ట్ర మంత్రిగా కీలక బాధ్యతలు నిర్వహిస్తున్న బీసీ జనార్దన్ రెడ్డి సతీమణి స్వయంగా సర్పంచ్ పదవికి పోటీ చేస్తుండటంతో ఈ ఎన్నికపై అందరి దృష్టి పడింది.

నామినేషన్ దాఖలు చేసిన అనంతరం ఇందిరా రెడ్డి మీడియాతో మాట్లాడారు. బనగానపల్లె మేజర్ పంచాయతీని అన్ని రంగాల్లో సమగ్రంగా అభివృద్ధి చేసి, రాష్ట్రంలోనే ఆదర్శ పంచాయతీగా తీర్చిదిద్దడమే తన ప్రధాన లక్ష్యమని స్పష్టం చేశారు. ప్రజల అవసరాలకు అనుగుణంగా అభివృద్ధి కార్యక్రమాలను ముందుకు తీసుకెళ్తానని తెలిపారు.

బనగానపల్లెలో పెరుగుతున్న జనాభాకు అనుగుణంగా ప్రజలకు అవసరమైన మౌలిక సదుపాయాలు కల్పించడమే తన ప్రధాన ప్రాధాన్యత అని ఇందిరా రెడ్డి తెలిపారు. ప్రతి ఇంటికీ తాగునీటి సరఫరా, మెరుగైన పారిశుద్ధ్య నిర్వహణ, అంతర్గత రహదారుల నిర్మాణం వంటి పనులపై ప్రత్యేక దృష్టి సారిస్తానని పేర్కొన్నారు.

అలాగే పంచాయతీ పరిధిలో అభివృద్ధి పనులను వేగవంతం చేసి, ప్రజలకు మెరుగైన సౌకర్యాలు అందించేందుకు కృషి చేస్తానని హామీ ఇచ్చారు. ప్రజలకు ఎల్లప్పుడూ అందుబాటులో ఉంటూ, వారి సమస్యలను ఎప్పటికప్పుడు పరిష్కరించడమే తన లక్ష్యమని బీసీ ఇందిరమ్మ స్పష్టం చేశారు.

బనగానపల్లె నియోజకవర్గ ప్రజలు తమ కుటుంబంపై చూపిస్తున్న నమ్మకం, అందిస్తున్న ఆశీస్సులతో ఈ ఎన్నికల్లో తప్పకుండా విజయం సాధిస్తామనే విశ్వాసాన్ని ఆమె వ్యక్తం చేశారు.

Leave a Reply

Your email address will not be published. Required fields are marked *