
తిరుమల శ్రీవారి భక్తులకు టీటీడీ శుభవార్త అందించింది. 2027 సంవత్సరానికి సంబంధించిన క్యాలెండర్లు, డైరీలను ఆన్లైన్లో అందుబాటులోకి తీసుకొచ్చింది. భక్తులు టీటీడీ అధికారిక వెబ్సైట్ ద్వారా వీటిని బుక్ చేసుకోవచ్చు.
అలాగే తిరుపతి, తిరుమల, తిరుచానూరు, హైదరాబాద్లోని జూబ్లీహిల్స్, హిమాయత్నగర్తో పాటు విజయవాడ, చెన్నై, వెల్లూరు, బెంగళూరు, న్యూఢిల్లీ, ముంబైలోని టీటీడీ సమాచార కేంద్రాల్లో కూడా క్యాలెండర్లు, డైరీలు అందుబాటులో ఉంచారు.
కావున శ్రీవారి భక్తులు ఈ అవకాశాన్ని సద్వినియోగం చేసుకోవాలని టీటీడీ సూచించింది.
తిరుమల శ్రీవారి భక్తులకు టీటీడీ కీలక సమాచారం అందించింది. నూతన సంవత్సరం 2027ను పురస్కరించుకుని టీటీడీ ప్రత్యేకంగా ముద్రించిన క్యాలెండర్లు, డైరీలను ఆన్లైన్లో అందుబాటులోకి తీసుకొచ్చింది. వీటి బుకింగ్ సదుపాయాన్ని కూడా ప్రారంభించింది.
శ్రీవారి భక్తులు టీటీడీ అధికారిక వెబ్సైట్ ద్వారా 2027 క్యాలెండర్లు, డైరీలను సులభంగా ఆన్లైన్లో బుక్ చేసుకోవచ్చు. భక్తులు ఈ అవకాశాన్ని వినియోగించుకోవాలని టీటీడీ సూచించింది.
తిరుమల శ్రీవారి భక్తుల కోసం టీటీడీ 2027 సంవత్సరానికి సంబంధించిన క్యాలెండర్లు, డైరీలను అందుబాటులోకి తీసుకొచ్చింది. తిరుపతి, తిరుమల, తిరుచానూరులోని టీటీడీ ప్రచురణల విక్రయ విభాగానికి చెందిన 12 కేంద్రాల్లో వీటిని విక్రయిస్తున్నారు.
అలాగే హైదరాబాద్లోని జూబ్లీహిల్స్, హిమాయత్నగర్తో పాటు విజయవాడ, చెన్నై, వెల్లూరు, బెంగళూరు, న్యూఢిల్లీ, ముంబై నగరాల్లోని టీటీడీ సమాచార కేంద్రాల్లో కూడా భక్తులు క్యాలెండర్లు, డైరీలను కొనుగోలు చేయవచ్చు.
2027 సంవత్సరానికి సంబంధించిన క్యాలెండర్లు, డైరీలను ఆంధ్రప్రదేశ్ ముఖ్యమంత్రి నారా చంద్రబాబు నాయుడు 2026 సెప్టెంబర్ 7న ఆవిష్కరించారు. అదే రోజు నుంచి విక్రయాలు ప్రారంభమయ్యాయి. తాజాగా భక్తుల సౌకర్యార్థం ఆన్లైన్ బుకింగ్ సదుపాయాన్ని కూడా టీటీడీ అందుబాటులోకి తీసుకొచ్చింది. భక్తులు టీటీడీ అధికారిక వెబ్సైట్ ద్వారా బుక్ చేసుకోవడంతో పాటు సమీపంలోని టీటీడీ సమాచార కేంద్రాల్లో కొనుగోలు చేయాలని అధికారులు సూచించారు.
తిరుమల శ్రీవారి ఆలయంలో వైభవంగా దీపావళి ఆస్థానం
తిరుమల శ్రీవారి ఆలయంలో దీపావళి పర్వదినాన్ని పురస్కరించుకుని దీపావళి ఆస్థానాన్ని ఆలయ అర్చకులు శాస్త్రోక్తంగా, వైభవంగా నిర్వహించారు.
ఈ సందర్భంగా శ్రీ మలయప్ప స్వామివారితో పాటు శ్రీదేవి, భూదేవి అమ్మవార్లు, విష్వక్సేనుల వారి ఉత్సవమూర్తులను బంగారు వాకిలి వద్ద ఉన్న గరుడాళ్వారు సన్నిధిలో వేంచేపు చేసి ప్రత్యేక ఆస్థానం నిర్వహించారు.
అనంతరం స్వామివారికి, అమ్మవార్లకు ప్రత్యేక పూజలు నిర్వహించి కర్పూర మంగళహారతులు సమర్పించారు. ప్రసాద నివేదన అనంతరం మూలవిరాట్టుతో పాటు ఉత్సవమూర్తులకు నూతన పట్టు వస్త్రాలను సమర్పించారు. రూపాయి హారతి, ప్రత్యేక హారతులు నిర్వహించడంతో దీపావళి ఆస్థాన కార్యక్రమం వైభవంగా ముగిసింది.
దీపావళి పర్వదినాన్ని పురస్కరించుకుని శ్రీవారి భక్తులతో పాటు ప్రజలందరికీ టీటీడీ సాధికార మండలి ఛైర్మన్, ఈవో శ్రీ ముద్దాడ రవిచంద్ర శుభాకాంక్షలు తెలిపారు. ప్రతి ఒక్కరిపై శ్రీవేంకటేశ్వర స్వామివారి ఆశీస్సులు ఉండాలని ఆకాంక్షించారు. ప్రజలంతా తమ కుటుంబ సభ్యులు, పిల్లలు, ఆత్మీయులతో కలిసి సుఖసంతోషాలు, ఆయురారోగ్యాలతో ఆనందంగా జీవించాలని మనస్ఫూర్తిగా కోరుకున్నారు.
ఈ సందర్భంగా టీటీడీ అదనపు ఈవో వెంకయ్య చౌదరి మాట్లాడుతూ.. శ్రీవారి ఆలయంలో ఉగాది, ఆణివార ఆస్థానం, దీపావళి, శ్రీరామనవమి, గోకులాష్టమి వంటి పర్వదినాలు, ప్రత్యేక సందర్భాల్లో ఆస్థాన కార్యక్రమాలను ఆగమ సంప్రదాయాల ప్రకారం నిర్వహిస్తామని తెలిపారు. వేద మంత్రోచ్ఛారణల నడుమ శాస్త్రోక్తంగా ఈ వేడుకలు జరుగుతాయని వివరించారు.
స్వామివారి కృపతో ప్రతి ఒక్కరి జీవితాల్లో సుఖసంతోషాలు, సిరిసంపదలు, ఆనంద వెలుగులు నిండాలని ఆకాంక్షిస్తూ భక్తులందరికీ దీపావళి శుభాకాంక్షలు తెలియజేశారు.
ఈ కార్యక్రమంలో తిరుమల శ్రీశ్రీశ్రీ పెద్ద జీయర్ స్వామి, శ్రీశ్రీశ్రీ చిన్న జీయర్ స్వామి, శ్రీవారి ఆలయ ప్రధాన అర్చకులు, సీవీఎస్వో శ్రీ మురళీకృష్ణతో పాటు పలువురు టీటీడీ అధికారులు పాల్గొన్నారు.
