చిన్న, సూక్ష్మ స్థాయి వ్యాపారాలకు రుణాలు అందించడంపై బ్యాంకులు మరింత దృష్టి పెట్టాలని రిజర్వ్ బ్యాంక్ ఆఫ్ ఇండియా (ఆర్బీఐ) గవర్నర్ సంజయ్ మల్హోత్రా సూచించారు. పెద్ద సంస్థలకు భారీ మొత్తంలో రుణాలు ఇవ్వడం కంటే, అదే మొత్తాన్ని అనేక చిన్న వ్యాపారాలకు పంపిణీ చేస్తే దేశ ఆర్థిక వ్యవస్థకు ఎక్కువ ప్రయోజనం చేకూరుతుందని పేర్కొన్నారు.

చిన్న సంస్థలకు రుణాలతో విస్తృత ప్రయోజనాలు

శనివారం ముంబయిలో జరిగిన ఓ కార్యక్రమంలో ఆయన మాట్లాడుతూ.. ఒక పెద్ద కంపెనీకి రూ.1,000 కోట్ల రుణం ఇవ్వడం వల్ల ప్రధానంగా ఆ సంస్థకే ప్రయోజనం కలుగుతుందని వివరించారు. అదే మొత్తాన్ని పలు చిన్న సంస్థలకు రుణాలుగా అందిస్తే, దాని ద్వారా కలిగే ఆర్థిక ప్రభావం కనీసం 100 రెట్లు అధికంగా ఉంటుందని అభిప్రాయపడ్డారు.

సూక్ష్మ వ్యాపారాలకు మరింత ప్రాధాన్యం

ఇదే మొత్తాన్ని సూక్ష్మ స్థాయి సంస్థలకు రుణాలుగా అందిస్తే ఆర్థిక ప్రయోజనం ఏకంగా 1,000 రెట్ల వరకు ఉండే అవకాశం ఉందని సంజయ్ మల్హోత్రా పేర్కొన్నారు. చిన్న వ్యాపారాలకు రుణ సదుపాయాలు పెంచడం ద్వారా మరిన్ని సంస్థలు అభివృద్ధి చెందడంతో పాటు, దేశ ఆర్థిక వ్యవస్థకు విస్తృత ప్రయోజనాలు కలుగుతాయని ఆయన సూచించారు.

Leave a Reply

Your email address will not be published. Required fields are marked *