ఆంధ్రప్రదేశ్‌లో గ్రామ పంచాయతీ ఎన్నికల వేళ ఏకగ్రీవాలపై చర్చలు మొదలయ్యాయి. సర్పంచ్‌గా ఏకగ్రీవంగా ఎన్నుకుంటే గ్రామాభివృద్ధికి భారీగా నిధులు ఇస్తామని కొందరు ముందుకొస్తున్నారు. దీంతో గోదావరి జిల్లాల్లో కోట్ల రూపాయల ఆఫర్లు చర్చనీయాంశంగా మారాయి.

పశ్చిమగోదావరి జిల్లా ఆచంట ప్రాంతంలోని ఓ గ్రామంలో తనను ఏకగ్రీవంగా ఎన్నుకుంటే గ్రామాభివృద్ధికి రూ.2 కోట్లు ఇస్తానని ఓ వ్యక్తి ప్రకటించినట్లు సమాచారం. అలాగే తూర్పుగోదావరి జిల్లా కడియం మండలంలోని ఓ గ్రామంలో రూ.కోటి విరాళం ఇస్తానని మరో వ్యక్తి ప్రకటించినట్లు తెలుస్తోంది.

నరసాపురంలో భారీ ఆఫర్లు

పశ్చిమగోదావరి జిల్లా నరసాపురం మండలంలోని ఓ గ్రామంలో పెద్దల సమక్షంలో ఏకగ్రీవంపై చర్చలు జరిగాయి. ఈ సందర్భంగా ఓ అభ్యర్థి రూ.50 లక్షలు ఇస్తానని, మరో అభ్యర్థి ఎకరం పొలం ఇస్తానని ప్రతిపాదించినట్లు సమాచారం.

చిత్తూరు జిల్లాలో వేలం పాటలు

ఉమ్మడి చిత్తూరు జిల్లాలోనూ ఏకగ్రీవాల కోసం రచ్చబండ సమావేశాలు నిర్వహిస్తున్నారు. సత్యవేడు మండలంలోని ఓ పంచాయతీలో సర్పంచ్ పదవికి వేలం పాట నిర్వహించగా రూ.15 లక్షల వరకు చేరినట్లు తెలుస్తోంది. అయితే గ్రామ పెద్దలు వెంటనే వేలాన్ని నిలిపివేశారు.

మొత్తంగా పంచాయతీ ఎన్నికలకు ముందే ఏకగ్రీవాల ప్రతిపాదనలు, భారీ ఆర్థిక హామీలు రాష్ట్రవ్యాప్తంగా చర్చనీయాంశంగా మారాయి.

By Ramya

Leave a Reply

Your email address will not be published. Required fields are marked *