
నెల్లూరు జిల్లాలో కేరళ ఎక్స్ప్రెస్ రైలుకు అనూహ్య అంతరాయం ఏర్పడింది. తిరువనంతపురం నుంచి ఢిల్లీ వెళ్తున్న ఈ రైలు బిట్రగుంట సమీపంలో నిలిచిపోయింది. రైలు పాంటోగ్రాఫ్లో ఓ పక్షి చిక్కుకోవడంతో విద్యుత్ సరఫరాకు అంతరాయం ఏర్పడి రైలు ముందుకు కదల్లేదు. సమాచారం అందుకున్న రైల్వే సిబ్బంది వెంటనే అక్కడికి చేరుకుని మరమ్మతులు చేపట్టారు. సుమారు గంటన్నర పాటు నిలిచిపోయిన రైలు, మరమ్మతులు పూర్తయిన తర్వాత తిరిగి తన ప్రయాణాన్ని కొనసాగించింది. దీంతో ప్రయాణికులు కొంతసేపు ఇబ్బందులు ఎదుర్కొన్నారు.
ఓ చిన్న పక్షి కారణంగా కేరళ ఎక్స్ప్రెస్ రైలు దాదాపు గంటన్నర పాటు నిలిచిపోయింది. తిరువనంతపురం నుంచి ఢిల్లీ వెళ్తున్న కేరళ ఎక్స్ప్రెస్ (12625) నెల్లూరు జిల్లా అల్లూరు రోడ్డు, బిట్రగుంట రైల్వే స్టేషన్ల మధ్య ఈ ఘటనకు గురైంది.
రైలు విజయవాడ వైపు ప్రయాణిస్తుండగా అల్లూరు రోడ్డు స్టేషన్ దాటిన తర్వాత ఇంజిన్కు విద్యుత్ సరఫరా చేసే పాంటోగ్రాఫ్ వద్ద ఒక్కసారిగా పెద్ద శబ్దం వినిపించింది. వెంటనే విద్యుత్ సరఫరా నిలిచిపోవడంతో రైలు ఒక్కసారిగా ఆగిపోయింది. పరిశీలించగా పాంటోగ్రాఫ్లో ఓ పక్షి చిక్కుకున్నట్లు గుర్తించారు. దీంతో రైల్వే సిబ్బంది వెంటనే రంగంలోకి దిగి మరమ్మతులు చేపట్టారు. సుమారు గంటన్నర తర్వాత సమస్యను పరిష్కరించడంతో కేరళ ఎక్స్ప్రెస్ తిరిగి తన ప్రయాణాన్ని కొనసాగించింది. ఈ ఘటనతో రైలు ప్రయాణికులు కొంతసేపు ఇబ్బందులు ఎదుర్కొన్నారు.
కేరళ ఎక్స్ప్రెస్ రైలులో పాంటోగ్రాఫ్ సమస్య తలెత్తడంతో లోకో పైలట్లు వెంటనే రైల్వే అధికారులను అప్రమత్తం చేశారు. దీంతో నెల్లూరు జిల్లా కావలి ఓహెచ్ఈ (ఓవర్హెడ్ ఎక్విప్మెంట్) డిపో అధికారులు, సాంకేతిక సిబ్బంది టవర్ కారుతో ఘటనాస్థలానికి చేరుకున్నారు. పరిశీలించగా పాంటోగ్రాఫ్లో ఓ పక్షి చిక్కుకుని కాలిపోయినట్లు గుర్తించారు. దీంతో వెంటనే మరమ్మతులు చేపట్టి విద్యుత్ సరఫరాను పునరుద్ధరించారు.
ఈ ఘటన కారణంగా ఉదయం 8.15 గంటలకు నిలిచిపోయిన కేరళ ఎక్స్ప్రెస్.. మరమ్మతులు పూర్తయ్యాక ఉదయం 9.35 గంటలకు తిరిగి బయలుదేరింది. అయితే అల్లూరు రోడ్డు-బిట్రగుంట రైల్వే స్టేషన్ల మధ్య మిడిల్ సెక్షన్లో రైలు నిలిచిపోవడంతో ఆ మార్గంలో వెళ్లాల్సిన ఇతర రైళ్ల రాకపోకలపైనా ప్రభావం పడింది. పలు రైళ్లు వివిధ ప్రాంతాల్లో నిలిచిపోగా, గంటకు పైగా ఆలస్యంగా నడిచాయి. ఓ చిన్న పక్షి కారణంగా కేరళ ఎక్స్ప్రెస్తో పాటు ఇతర రైళ్ల ప్రయాణికులు కూడా ఇబ్బందులు ఎదుర్కోవాల్సి వచ్చింది.
అసలు పాంటోగ్రాఫ్ అంటే ఏమిటి?
విద్యుత్తో నడిచే రైళ్లలో పాంటోగ్రాఫ్ అత్యంత కీలకమైన పరికరం. ఇది రైలు ఇంజిన్ పైభాగంలో అమర్చబడి ఉంటుంది. రైల్వే ట్రాక్ పక్కన ఏర్పాటు చేసిన విద్యుత్ స్తంభాలపై ఉండే హై వోల్టేజ్ ఓవర్హెడ్ వైర్ల నుంచి విద్యుత్ను సేకరించి ఇంజిన్కు సరఫరా చేస్తుంది.
ఇది స్ప్రింగ్ల సహాయంతో పైకి, కిందకు కదలగలిగే ప్రత్యేక నిర్మాణాన్ని కలిగి ఉంటుంది. రైలు వేగంగా ప్రయాణిస్తున్నప్పుడు ఓవర్హెడ్ వైర్ల ఎత్తులో మార్పులు వచ్చినా వాటిని అనుసరిస్తూ పాంటోగ్రాఫ్ తన స్థానాన్ని సర్దుబాటు చేసుకుంటుంది. తద్వారా విద్యుత్ సరఫరా నిరంతరంగా కొనసాగుతుంది. అయితే కేరళ ఎక్స్ప్రెస్ పాంటోగ్రాఫ్లో పక్షి చిక్కుకోవడంతో విద్యుత్ సరఫరాకు అంతరాయం ఏర్పడి రైలు నిలిచిపోయింది. దీంతో రైల్వే సాంకేతిక సిబ్బంది రంగంలోకి దిగి మరమ్మతులు చేపట్టాల్సి వచ్చింది.
