టాలీవుడ్ స్టార్ హీరోయిన్ పూజా హెగ్డే ప్రేమలో పడినట్లు గత కొన్ని రోజులుగా సినీ వర్గాల్లో జోరుగా ప్రచారం సాగుతోంది. బాలీవుడ్ నటుడు, దివంగత వినోద్ మెహ్రా కుమారుడు రోహన్ మెహ్రాతో ఆమె డేటింగ్లో ఉన్నట్లు తెలుస్తోంది. వీరిద్దరూ కలిసి ముంబైలోని పలు రెస్టారెంట్లు మరియు పార్టీల్లో చెట్టాపట్టాలేసుకుని తిరగడం, అలాగే పూజ తల్లిదండ్రులతో కలిసి రోహన్ డిన్నర్ వేడుకల్లో పాల్గొనడం ఈ వార్తలకు మరింత బలాన్ని చేకూర్చింది. వ్యక్తిగత జీవితంపై వస్తున్న ఈ వార్తలపై పూజ ఇంకా స్పందించనప్పటికీ, సోషల్ మీడియాలో వీరి జోడీకి మంచి మార్కులు పడుతున్నాయి.
టాలీవుడ్లో తన అందం, అభినయంతో కుర్రకారు గుండెల్లో ‘బుట్టబొమ్మ’గా సుస్థిర స్థానాన్ని సంపాదించుకున్న పూజా హెగ్డే ఇప్పుడు మరోసారి వార్తల్లో నిలిచారు. అయితే ఈసారి ఆమె సినిమాల గురించి కాకుండా, తన వ్యక్తిగత జీవితం, ప్రేమాయణం గురించి సోషల్ మీడియాలో చర్చ జరుగుతోంది. గత కొంతకాలంగా తన రిలేషన్ షిప్ విషయంలో చాలా గోప్యంగా ఉంటూ వస్తున్న ఈ బ్యూటీ ప్రస్తుతం ఒక బాలీవుడ్ కుర్ర హీరోతో పీకల్లోతు ప్రేమలో ఉందనే వార్త సినీ సర్కిల్స్లో హాట్ టాపిక్ అయ్యింది.
పూజా హెగ్డే మనసు గెలుచుకున్న ఆ కుర్రాడు మరెవరో కాదు.. బాలీవుడ్ దివంగత నటుడు వినోద్ మెహ్రా కుమారుడు రోహన్ మెహ్రా . రోహన్ 2018లో సైఫ్ అలీ ఖాన్ నటించిన ‘బజార్’ సినిమాతో వెండితెరకు పరిచయమయ్యారు. పూజా, రోహన్ గత కొంతకాలంగా చెట్టాపట్టాలేసుకుని తిరుగుతుండటంతో వీరిద్దరూ డేటింగ్లో ఉన్నారనే ప్రచారం జోరుగా సాగుతోంది. ముంబైలోని ప్రముఖ రెస్టారెంట్లు, పలు సినీ వేడుకల్లో ఈ జంట కలిసి కనిపించడం ఈ వార్తలకు మరింత బలాన్ని చేకూర్చింది. 2024లో పూజ తన తల్లిదండ్రులతో కలిసి డిన్నర్కు వెళ్లిన సమయంలో రోహన్ కూడా వారి వెంటే ఉండటం, తాజాగా వీరిద్దరూ ఒకే కారులో ప్రయాణించడం చూస్తుంటే.. వీరి బంధం కేవలం స్నేహానికే పరిమితం కాదని, పెళ్లి వైపు అడుగులు వేస్తున్నారని అభిమానులు భావిస్తున్నారు. అంతేకాకుండా, గతంలో పూజ పుట్టినరోజు సందర్భంగా రోహన్ చేసిన ఒక స్పెషల్ ఇన్స్టా పోస్ట్ను కూడా ఇప్పుడు నెటిజన్లు వెలికితీసి వైరల్ చేస్తున్నారు.
