
విజయవాడ బైపాస్పై వాహనాల రాకపోకలకు నేడు, రేపు ఆంక్షలు విధించారు. అంబాపురం వద్ద హైటెన్షన్ విద్యుత్ టవర్ల మార్పిడి పనులు చేపట్టనున్న నేపథ్యంలో ఈ నిర్ణయం తీసుకున్నారు. దీంతో బైపాస్పై వాహనాల రాకపోకలకు అంతరాయం ఏర్పడనుంది.
ఉదయం 10 గంటల నుంచి సాయంత్రం 5 గంటల వరకు మాత్రమే వాహనాలను అనుమతించనున్నారు. మిగిలిన సమయాల్లో వాహనాల రాకపోకలపై ఆంక్షలు అమల్లో ఉంటాయని అధికారులు వెల్లడించారు. వాహనదారులు ఈ మార్పులను గమనించి తమ ప్రయాణాలను ముందుగానే ప్లాన్ చేసుకోవాలని సూచించారు.
ఇదిలా ఉండగా, వాహనదారులకు ఇబ్బందులు కలగకుండా పోలీసులు ప్రత్యామ్నాయ మార్గాలను సూచించారు. ఆ మార్గాల వివరాలు ఇలా ఉన్నాయి.
విజయవాడ బైపాస్పై ప్రయాణించే వాహనదారులకు పోలీసులు కీలక సూచన జారీ చేశారు. శని, ఆదివారాల్లో బైపాస్పై వాహనాల రాకపోకలను తాత్కాలికంగా నిలిపివేయనున్నారు. ఈ రెండు రోజులు ఉదయం 10 గంటల నుంచి సాయంత్రం 5 గంటల వరకు వాహనాలను అనుమతించబోమని అధికారులు వెల్లడించారు.
విజయవాడ రూరల్ పరిధిలోని అంబాపురం వద్ద హైటెన్షన్ విద్యుత్ టవర్ల మార్పిడి పనులు చేపడుతున్న నేపథ్యంలో ఈ ఆంక్షలు విధించారు. దీంతో రెండు రోజుల పాటు నిర్ణీత సమయాల్లో వాహనదారులు బైపాస్ మార్గంలో ప్రయాణించేందుకు అవకాశం ఉండదు. ఈ సమయంలో ప్రత్యామ్నాయ మార్గాలను వినియోగించుకోవాలని పోలీసులు సూచించారు.
అయితే ఉదయం 10 గంటల నుంచి సాయంత్రం 5 గంటల వరకు మాత్రమే ఈ ఆంక్షలు అమల్లో ఉంటాయి. మిగిలిన సమయాల్లో విజయవాడ బైపాస్పై వాహనాల రాకపోకలు యథావిధిగా కొనసాగుతాయని అధికారులు స్పష్టం చేశారు. వాహనదారులు ఈ మార్పులను గమనించి తమ ప్రయాణాలను ప్లాన్ చేసుకోవాలని కోరారు.
విజయవాడ బైపాస్పై ఆంక్షల నేపథ్యంలో పోలీసులు వాహనదారులకు ప్రత్యామ్నాయ మార్గాలను సూచించారు. ఏలూరు వైపు నుంచి విజయవాడ బైపాస్ మీదుగా హైదరాబాద్, గుంటూరు వెళ్లే వాహనాలు చినఆవుటపల్లి నుంచి రామవరప్పాడు, బెంజ్ సర్కిల్ వరకు చేరుకోవాలి. అక్కడి నుంచి గుంటూరు వెళ్లే వాహనదారులు వారధి మీదుగా, హైదరాబాద్ వెళ్లేవారు బస్టాండ్ మార్గంలో ప్రయాణించాలని సూచించారు.
అదేవిధంగా గుంటూరు, హైదరాబాద్ వైపు నుంచి ఏలూరు వెళ్లే వాహనాలు గొల్లపూడి నల్లకుంట రింగ్ నుంచి గొల్లపూడి వై జంక్షన్, సీవీఆర్ పైవంతెన, పైపుల రోడ్డు, నున్న పవర్గ్రిడ్ మీదుగా విజయవాడ బైపాస్కు చేరుకోవాలి.
మైలవరం నుంచి విజయవాడ వైపు వచ్చే వాహనదారులు పాములకాలువ సెంటర్ నుంచి అంబాపురం, పి.నైనవరం, పాములకాలువ మీదుగా వై.వి.ఎస్టేట్ మార్గాన్ని వినియోగించుకోవాలి. విజయవాడ నుంచి మైలవరం వైపు వెళ్లే వాహనాలు వై.వి.రావు ఎస్టేట్ నుంచి పాములకాలువ, షాబాద్ అండర్పాస్, కొత్తూరు తాడేపల్లి రోడ్డు మీదుగా వెళ్లాలని పోలీసులు సూచించారు.
విద్యుత్ టవర్ల మార్పిడి పనులు పూర్తయ్యే వరకు ఈ ప్రత్యామ్నాయ మార్గాలను వినియోగించుకోవాలని అధికారులు కోరారు. వాహనదారులు ట్రాఫిక్ ఆంక్షలను దృష్టిలో ఉంచుకుని తమ ప్రయాణాలను ముందుగానే ప్లాన్ చేసుకోవాలని సూచించారు.
విజయవాడలో ఆటో డ్రైవర్ల ప్రవర్తనపై ట్రాఫిక్ పోలీసులు ప్రత్యేక దృష్టి సారించారు. పోలీస్ కమిషనర్ ఎస్వీ రాజశేఖర బాబు ఆదేశాల మేరకు బెంజ్ సర్కిల్ వద్ద ఆటో డ్రైవర్లకు ప్రత్యేక కౌన్సెలింగ్, అవగాహన కార్యక్రమం నిర్వహించారు.
ASTRAM యాప్ ద్వారా ప్రయాణికుల నుంచి అందిన ఫిర్యాదుల ఆధారంగా సంబంధిత ఆటో డ్రైవర్లను గుర్తించి ఈ కౌన్సెలింగ్ చేపట్టారు. ఈ సందర్భంగా ప్రయాణికులతో మర్యాదపూర్వకంగా వ్యవహరించాలని, ట్రాఫిక్ నిబంధనలను తప్పనిసరిగా పాటించాలని పోలీసులు సూచించారు. ప్రయాణికుల భద్రతకు అత్యంత ప్రాధాన్యం ఇవ్వాలని స్పష్టం చేశారు.
మరోవైపు, ASTRAM యాప్ ద్వారా వచ్చే ఫిర్యాదులను ట్రాఫిక్ పోలీసులు ఎప్పటికప్పుడు పరిశీలిస్తారని అధికారులు తెలిపారు. ప్రయాణికుల పట్ల అనుచితంగా ప్రవర్తించే ఆటో డ్రైవర్లపై ఫిర్యాదుల ఆధారంగా తగిన చర్యలు తీసుకుంటామని హెచ్చరించారు.
