కావాల్సిన పదార్థాలు

  • బార్లీ – 1 కప్పు
  • నీరు – 2 కప్పులు
  • బెల్లం పొడి – 1 కప్పు
  • కొబ్బరిపాలు – అర లీటరు
  • యాలకుల పొడి – అర టేబుల్ స్పూన్
  • పచ్చి యాలకులు – 6 నుంచి 8
  • నెయ్యి – 2 టేబుల్ స్పూన్లు
  • ఎండుద్రాక్ష – ఒక గుప్పెడు
  • జీడిపప్పు – తగినంత
  • ఇతర డ్రై ఫ్రూట్స్, నట్స్ – రుచికి సరిపడా

తయారుచేసే విధానం

  1. ముందుగా బార్లీని శుభ్రంగా రెండు, మూడు సార్లు కడిగి నీటిని వడకట్టాలి.
  2. ఇప్పుడు ప్రెషర్ కుక్కర్‌లో బార్లీ, రెండు కప్పుల నీరు పోసి మూత పెట్టాలి. బార్లీ మెత్తగా ఉడికే వరకు 4–5 విజిల్స్ వచ్చేలా ఉడికించాలి.
  3. కుక్కర్‌లోని ప్రెషర్ పూర్తిగా తగ్గిన తర్వాత మూత తీసి, ఉడికిన బార్లీలో బెల్లం పొడి వేసి బాగా కలపాలి.
  4. బెల్లం పూర్తిగా కరిగే వరకు మీడియం మంటపై కలుపుతూ ఉడికించాలి. ఆ తర్వాత మరో రెండు నిమిషాలు సన్నని మంటపై ఉంచాలి.
  5. ఇప్పుడు మంట తగ్గించి కొబ్బరిపాలు, యాలకుల పొడి వేసి బాగా కలపాలి. మీడియం మంటపై సుమారు 10 నిమిషాల పాటు మెల్లగా ఉడికించాలి. మరీ ఎక్కువగా మరిగించకుండా జాగ్రత్తపడాలి.
  6. మరో చిన్న పాన్‌లో నెయ్యి వేసి వేడి చేయాలి. అందులో జీడిపప్పు, ఎండుద్రాక్షలు వేసి బంగారు రంగు వచ్చే వరకు వేయించాలి.
  7. వేయించిన డ్రై ఫ్రూట్స్‌ను పాయసంలో వేసి బాగా కలపాలి. అవసరమైతే మిగిలిన నెయ్యిని కూడా జోడించాలి.

అంతే! ఎంతో రుచికరమైన, పోషకాలతో కూడిన బార్లీ పాయసం సిద్ధం. వేడిగా లేదా చల్లగా మీకు నచ్చిన విధంగా సర్వ్ చేసుకోవచ్చు.

చిన్న చిట్కా: మరింత రుచి కోసం బాదం, పిస్తా, వాల్‌నట్స్ వంటి నట్స్‌ను కూడా జోడించుకోవచ్చు.

Leave a Reply

Your email address will not be published. Required fields are marked *